民主派47人參與「35+」初選，涉嫌計劃立法會過半無差別否決財案被控，16人否認串謀顛覆國家政權罪。被告鄒家成今早於西九龍法院作供交代決定繼續參選後，憂慮政治主張違反《香港國安法》招致團隊被捕，故調整選舉文宣，相信「喺一個咁肅殺嘅環境底下，香港人會知道參選人點解做呢啲調整」。惟鄒家成繼續參選為表達反對《香港國安法》的聲音，故續使用「国安法」字眼藉此抗議。
鄒家成2020年7月5日facebook帖文提到 「但而家国安法過咗，如果我繼續原本嗰套主張，唔單止我，我嘅團隊成員，幫手派leaflet嘅義工，同埋幫我貼海報嘅黃店都一定會出事」，鄒家成今解釋當時憂慮過去言論有機會違反《香港國安法》，如果繼續主張或會招致自己、團隊成員及義工等受到牽連甚至被捕，故調整傳單、易拉架、旗幟等選舉文宣避免違法後放棄舊有主張，再沒有提及「香港民族」或「殖民」字眼，並曾向義工等表明如感恐懼可退出選舉。
《香港國安法》指定法官陳仲衡引述內文指「国安法過咗，或者有啲嘢我唔可以繼續講，以前準備嘅好多文宣、易拉架都已經用唔著，但相信我嘅理念喺過去已經表達得清清楚楚，亦都希望各位香港人會理解」，問及其是否沒有改變政綱。鄒家成坦言過去曾經宣揚的理念已無法改變，然而當時亦的確有改變選舉文宣，相信「喺一個咁肅殺嘅環境底下，香港人會知道參選人點解做呢啲調整」。
法官李運騰追問「国安法」的「国」何以使用簡體字，鄒家成指因為《香港國安法》以納入《基本法》附件三方式立法，並非來自立法會。李官追問《基本法》亦如是，鄒家成猶豫指「我唔鍾意用返繁體字去講國安法⋯⋯我的確反對國安法」，繼續參選的理念為表達反對《香港國安法》的聲音，故藉此表達抗議。
李官查問下鄒家成重申主張香港民族不等於香港獨立，提出香港民族主義旨在高舉族群利益，決定繼續參選後僅為堅持選前餘下十多日，為免被人曲解言論為分裂國家，故就此不再多談。法官陳仲衡引述選舉論壇上鄒家成發言指「我就係要宣揚香港民族主義，因為要建立一個民族出嚟，我哋先能夠對抗到中華民族嘅入侵」，鄒家成否認「中華民族」指中共，解釋指「中華民族對我來講係一個用來合理化損害港人利益，干預港人自主權嘅宣傳工具。我認為喺殖民統治之下，背後操控嘅人正正就係擁抱中華民族思想嘅人，而呢一種殖民嘅統治方式係會弱化一個民族嘅根基，所以我就喺選舉入面宣揚香港民族主義」。
李官問香港民族是否與中華民族不同，鄒家成同意指「因為一個民族建基於語言、文化、價值、歷史、命運而形成嘅共同體，香港人喺歷史上面對價值嘅追求⋯⋯」法官陳慶偉打斷指毋需深究。李官再問其不主張港獨，卻主張自主，不覺矛盾嗎？鄒家成否認指根據《中英聯合聲明》框架，除國防外交外，香港人理應享有一系列自主權，「我覺得中國同香港之間嘅關係，個基礎係建基於《中英聯合聲明》。我認為一國兩制起源來自於兩地族群嘅利益同埋所擁抱嘅價值都係唔同嘅，因此我認為除非落實雙普選，否則一國兩制都冇真正落實過。」李官再指《中英聯合聲明》也由中英雙方決定，而非港人，鄒家成回應「呢個亦都係好多香港人耿耿於懷嘅地方」。
李官向鄒家成代表大律師陳世傑指，其是否宣揚港獨一事或許仍有待商榷。陳世傑追問獨立及自主之別時，法官陳慶偉表示理解，解釋鄒家成只是認為眼下一國兩制執行不完善，香港沒有在《中英聯合聲明》下得到完全自主，而非主張港獨，香港主權應分割出去。惟法官陳慶偉亦指即使如此，其證供指要建構香港民族，法庭會否考慮此為有意顛覆國家政權則屬另一回事。
論壇中鄒家成又指一國兩制、《基本法》、立法會是精心設計的殖民工具，今解釋「擁護或者效忠係從信仰嘅角度去睇嘅，信仰能否強化必須結合現實嘅考量，如果忽略現實嘅考慮，你嘅信仰只會淪為一種自我麻醉⋯⋯一國兩制、《基本法》、立法會被視為殖民工具嘅條件，而呢啲條件我個人係反對嘅，例如人大釋法，同埋唔落實雙普選，所以我覺得要落實雙普選，一國兩制、《基本法》、立法會，先至能夠產生佢地本身應該要產生嘅功能。當我哋見到佢落實得唔完美嘅地方，再受到我哋信仰嘅驅使，我哋先會調整我哋當下嘅決定，令到自己嘅信仰得以實踐。」
鄒家成又發言指要維護立法會制度，李官問其是否有自己一套立法會恰當功能而當時立法會未能做到？鄒家成解釋「立法會或者議會理應產生嘅功能，呢個係好普世嘅，係制衡行政機關。但係點解我會話佢係一個殖民工具，係因為制度並不民主，行政機關亦都會用一啲唔公義嘅手段阻止人參選，所以行政機關就可以依賴立法會呢個地方，落實好多損害香港人利益嘅政策法案。」
鄒家成另解釋論壇發言指「因為有DQ嘅存在，我哋唔會攞到35+」，2016年DQ紅線在主張港獨，「2020年DQ性質轉變咗，性質係要阻止民主派攞到35+ ⋯⋯所有參與人都有可能被DQ」，成為「35+」不可能的主因。鄒家成又解釋2019年社會運動中曾聽聞3條戰線包括議會戰線、街頭戰線及國際戰線，意指「唔同人喺唔同領域上面發揮佢哋擅長嘅地方，為香港爭取民主自由」。
7月初將軍澳民間論壇中，鄒家成被問到「入到議會會唔會打交？入到去最想揪低邊個？」鄒家成回應「入去會唔會打交，呢一個唔單止係我鄒家成要做嘅事，係每一個今日參選嘅候選人都應該要做嘅事」，今庭上解釋「打交」意指自衛，因為當時回想起陳志全被使用武力的場面，預設了政府推動惡法時才會出現「打交」等混亂情況，而回應時無暇考慮用字。而論壇中「我要砌低佢」，鄒家成解釋指在辯論及選戰等各方面戰勝建制派，「從來冇諗過開開下會冚佢一巴噉嘅，呢個太黐線喇⋯⋯」至於「用任何手段癱瘓每一個議會進行」，鄒家成則笑言說法「真係誇張咗」，意指希望其他參選人有心理準備，即使在《香港國安法》下也要在每一個推動惡法的會議中盡力阻止。
法庭記者：陳子豪
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
