星8卦｜「死蠢」鍾意生仔長期投資錯誤 做四奶但求生活安定
「死蠢」歷盡情傷，識一個就同人生一個，女人有時真係胸大無乜腦，同「假君」一齊以為佢喺出面有頭有面，二話不說就大埋個肚，未生嗰陣就俾人踢爆佢係空心佬倌，仲話啲人屈「假君」，出嚟護航，直到成層樓無咗至知今次大鑊嘞。
然後又同「奇怪」喺埋一齊，有名你叫，佢真係好奇怪，由一開始就叫「死蠢」畀晒生活開支，畢竟佢同之前幾個男人比較嘅質素高啲，尤其身材，「死蠢」對高大男人一向有好感，諗住生個仔高大威猛就好嘞。「死蠢」真係好生得，雖然阿媽日鬧夜鬧，但佢好似食咗迷藥咁，對「奇怪」毫無要求，當然生完就醒晒，好快又帶住個仔自己養啦！
好彩而家嘅「叔叔」真正有實力，個個月畀6位數生活費，為表誠意，佢又好快生咗個女，不過今次好大方成日帶幾個細路出嚟見人，但當然唔會見到老竇個樣，仲要話畀人知自己低調結咗婚。事實係「叔叔」已經有老婆，仲有兩個情婦，「死蠢」只係排第四，但又怕俾人話啲仔女全部無老竇，惟有講一個大話，為自己挽回面子，不過點都好，生活無憂就已經令「死蠢」唔使再俾阿媽日哦夜哦！
【相關文章】：
星8卦｜「猛男」四圍滾狂戀「尤物」 「惡妻」捉姦最後出場收拾殘局
星8卦｜「絕色」被「富佬」利用後即棄 「專業」蒲頭力追結良緣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
