睽違兩年，林奕匡（Phil）推出帶有藍調味道的新作《台前幕後》，MV邀請了首度合作的王敏德演出，好鍾意演戲的Phil表示只要有適合角色，未來都想演戲，演反派都冇問題。採訪：杜杜 形象:Exactly the Sam 髮型:Kenki @w.work.shop 化妝:CarmenC 服裝:Sandro
想演戲的Phil，已計劃日後拍MV會畀自己發揮演技。
Phil已推出了10張專輯，不想為做而做，所以今次花了很長時間開拓新曲風，「其實要做新嘢唔係難，但做新嘢又要令到大家喜歡就唔容易，唔容易嘅嘢先至值得追求。」另外，近年他寫了很多歌給別人唱，「上年寫得最多，寫畀人少啲包袱，新合作一定有新火花。」
Phil開心請到同樣喜歡音樂的王敏德演出MV，首合作已相當投契。
Phil覺得寫歌是工作，亦是他的me time。
冇嘢要交代最享受
T-Rexx寫的《台前幕後》，認為每個人面對工作，好似身處台前，會包裝及美化自己，返到台後就會放下盔甲，展現真我，Phil覺得藝人的差別更大，可以避開公眾目光的時間很少，「藝人連去旅行都係半工作，要分享做咗啲咩，我最享受冇嘢要交待嘅時候，譬如同屋企人、太太，或者好朋友吹吓水，將工作放低，又或者做運動，寫歌都係，當然亦都係工作一部份，但音樂最原始嘅作用，就係令人放鬆同開心，玩音樂就係玩，有時寫寫吓歌，我都會自己玩吓唱吓。」
Phil開心請到同樣喜歡音樂的王敏德演出，首合作已相當投契。
跟馮允謙和葉中月等好友聚會，Phil覺得最放鬆。
入行14年的Phil，形象一向乖仔，他明白外界會覺得悶，都想試更多新嘢，特別是演戲，「覺得好有趣，可以抽離自己去做同自己完全唔似嘅嘢，非常神奇。」特別想演跟自己反差大的角色，「動感啲又好，或者反派我都好樂意㗎！我平時畀人感覺咁乖仔，要我去鬧人應該唔容易，要做好多準備，但我相信會好爽。」
Phil去年嘗試新工作，為《聲夢傳奇2》任導師。
不擅辭令的Phil，覺得拍真人騷最難就是要他講嘢。
《星島頭條》新網站有更多精彩內容：http://www.stheadline.com/
