現年53歲的土生土長印裔香港人喬寶寶，2005年參加TVB節目《殘酷一丁》一舉成名，曾演出《高朋滿座》、《真相》及《衝呀！瘦薪兵團》等劇集，試過最高峰靠登台走埠一年賺過百萬。直到2012年太太申請香港護照被拒絕，他被逼舉家移民蘇格蘭，在當地經營印度餐館之餘，亦為兒子置業收租作投資，而自主的五房兩廳的5,000呎複式獨立屋，附設超大花園、迷你電影院及私人籃球場，難怪獲封圈中「隱形富豪」。近日喬寶寶於社交網連環Po名車相，昨日（11日）更發文自爆帶「囝囝」睇辣跑！
【相關閱讀】：喬寶寶300萬買蘇格蘭5,000呎大屋 後花園儲物室已經大過唔少香港人屋企
【點擊睇喬寶寶帶仔看辣跑】：
影片開頭，喬寶寶笑笑口說：「阿仔，你記唔記得同我講過好鍾意一架螢光綠跑車嘅？你睇吓後面。」囝囝一轉身見到逾468萬元的林寶堅尼即「嘩」一聲，雙眼發光兼笑晒口，惟問到老竇拎車匙時，喬寶寶即抵死答：「點解要車匙？我諗住同你影相咋啵。」相當爆笑，有網民留言讚囝囝靚仔，但心水清的網民則笑問：「你有第三個仔？」其實片中「兒子」正是電影《我的印度男友》男主角成家宏（Karan Cholia），喬寶寶於該片中則飾演其父。
喬寶寶與印度籍太太Gurinder Kaur Gill於1990年結婚，育有兩子Inderpal和Arvin，兩個囝囝均能操流利粵語，年約20歲的細仔Arvin出生不久便發現患先天性脊椎神經線疾病，走路比常人需花多3倍力氣，每隔兩至三星期要注射肉毒桿菌素（Botox）來放鬆筋肌。喬寶寶離開TVB後轉攻商界，先後在港島及新界開設3間水果店，據悉當日以6位數投資，短短五年間已賺凸3倍。
自揭盲婚啞嫁
去年接受港台節目《舊日的足跡》訪問時，喬寶寶自揭與「喬嫂嫂」是一場盲婚啞嫁的婚姻，指當年19歲初戀對象是一名香港女生，因媽咪不准娶「港女」而被逼分手，之後喬媽媽給他三個選擇：「佢畀三張女仔相我揀，有加拿大印度西施、英國印度西施、印度嘅印度西施。第一個係千萬富婆，不過已經有細路，我麻麻哋（鍾意）。第二個係百萬富婆，但佢嘅體型同我差唔多，我驚洞房時會砸親我。第三個就係而家嘅喬嫂嫂，佢家族同我哋差唔多，擁有16個大球場嘅土地。」並謂當時照傳統婚禮全由女家負責開支，笑言自己只帶西裝和牙刷去結婚，然而夫妻倆多年來感情很好。
【其他文章】：
獨家丨喬寶寶留港搵食5個月老媽跌親急返英 長伴左右協助沖涼如廁
喬寶寶高唱《勇敢的中國人》引觀眾質疑 稱成功有賴中華民族：我啲鄉里淨係畀咖哩粉
盤點9位TVB御用外國人 初代原來是已故賭王親戚 有人係醫學世家精通4國語言
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
