全球溫化問題越嚟越嚴重，極端酷熱天氣累見不鮮，但呢種「夏日熱焫焫」嘅情況，似乎同唔鍾意開冷氣嘅前天文台台長林超英毫無關係。佢早前話，自己已經唔使交電費3年幾，今日更加喺社交平台透露，自己今期電費係「負7蚊」，比零仲要低。更加恐怖嘅係，佢兩年用電量竟然維持喺每日4度左右，即係佢同佢太太，一人每日分兩度。
林超英今期電費單，顯示他兩年來平均每日用電僅4度。林超英fb
預告電費再升 籲慳電莫遲疑
林超英話，對比兩年前同期電費單，扣減慳電回扣，佢發現每度電實際收費升咗兩毫子，由1蚊升到1.2，相當於兩成。佢仲預測，世界越動盪，未來電費恐怕會再升，呼籲大家唔救地球都要救救自己荷包，開始慳電莫遲疑。
有網民喺佢帖子底下留言，話估唔到「原來錢放中電有利息，不過要唔開冷氣先得」，有網民就話證明到林超英真係無開冷氣㗎。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
