容祖兒在演藝學院舉行的34場《ANOTHER SIDE...... JOEY•MY SECRET •LIVE》不經不覺已經唱了20多場，昨晚（16日）一場更發生了一件小插曲，容祖兒在獻唱期間跣手飛「咪」落台 ，幸好沒人受傷。
【相關閱讀】：容祖兒演唱會丨自爆要「打開胸圍」搵男友 公開擇偶條件只得三個普通要求
【點擊睇容祖兒蝦碌飛「咪」】：
容祖兒在社交網貼出「蝦碌」片段，片中見她正投入獻唱歌曲《連續劇》，當她正想將「咪」從右手轉到左手時，卻不小心跣手飛了下台，容祖兒即嚇到目定口呆兼大叫，其後，有觀眾把「咪」拾回給容祖兒，容祖兒即拍拍心口表示：「有冇整親你，嚇死我啦」，有驚無險，幸好沒有觀眾受傷。
容祖兒自爆蝦碌史
容祖兒更大爆自己的「蝦碌史」，於社交平台表示：「唔好睇我喺台上咁醒目，其實一直以來我有個花名叫da la di la，做甚麽都倫倫盡盡（論論盡盡）。斟水飲會倒瀉水、攞乜都會掉在地上、食飯嘅畤候俾我阿媽話下巴係咪穿窿、啲朋友話跟住我尾一定會執到寶；正所謂要發生，始終發生，琴晚encore 時我終於感受到將成支咪凌空飛落地下嘅滋味，望住佢由高處拋物線跌落地下嗰一個瞬間，成個畫面同攞錯顏色購物袋一樣咁surreal，當時我嘅心臟足足停止跳動左2秒，好彩無扑穿第一行朋友個頭，佢仲好醒目仔咁即刻俾返我，成件事好rock分分，鬼叫大家咁 high，High到我枝咪 stage diving。」容祖兒更自嘲 ：「在我身上，真係Nothing is impossible 」並大爆其實已經唔係第一次。網民都紛紛留言笑指：「2005年第一次丫嘛」、「Cardi B 掉咪事件？」而DJ朱薰更表示：「睇唔穿支咪係點解會咁樣飛出去嘅。」
【其他文章】：
容祖兒演唱會丨三度延期終病瘉開騷回復大勇狀態 病到「魂魄唔齊」媽咪貼心照顧
容祖兒演唱會丨 自認裙腳女獨居3年難忍有家不得歸 靠吸塵機洗衣液支撐生活
容祖兒演唱會丨着短裙半走光大方畀觀眾睇打底褲 爆阿Sa瘋狂介紹男友零過電
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
