香港也不是人情紙咁薄，再有市民消受了來自陌生人那份不相識的暖意，連旁觀者也看得溫馨滿溢。一位的士司機日前在facebook發文，指「今日（18日）喺青衣車個83歲伯伯落荃灣老人院探73歲太太。我有個壞習慣。通常車公公婆婆都係唔收錢。但今次伯伯堅持要畀錢我應該點做好......在線等」並上載相關短片，片中記錄了兩人的溫情對話（對答全文見下圖↓↓↓↓）和司機的敬老舉動，但好事多磨卻被部分網民批評......
的哥與伯伯溫馨閒話家常實錄↓↓↓↓
伯伯將紙幣放於車上
短片開始時已見戴鴨舌帽的伯伯安坐車上，隨身帶有一把便利店長遮，左手拿著3張20元紙幣準備付款。經剪接的短片長約2分34秒，的士司機友善地主動打開話題，言談間知道伯伯每天都將準備好的食物，由青衣送到荃灣老人院給結婚近半世紀的愛妻品嚐。兩人全程言談甚歡，當抵達目的地後的士司機表明不收車資時，伯伯依然再三堅持，由於司機拒收，伯伯醒目地將紙幣放於車上，下車時不忘客氣地互祝身體健康。
的哥與伯伯乘客溫情對話逐格睇 ＋ 網民正反兩方面回應↓↓↓↓
網民有讚有彈
見到如此好人好事，不少網民都留言讚好，指「係好事」、「好心人」、「絕種嘅好司機」、「欣賞你尊敬長者」、「獅子山下的正能量」、「正能量........人人開心」、「我第一次見到義載嘅司機，代老人家多謝您」。不過，也有人指出幾點，批評司機的做法↓↓↓↓
•「......做生意唔收錢，敬老同營商係兩樣嘢，人哋老人家點解要坐你免費車？」、
•「有兩蚊雞唔坐，坐得的士即有能力有要求，你點解唔收錢，即睇唔起乘客！」、
•「人家有能力乘坐的士，當然不希望接受他人恩惠的。他明白自己可以付出車資是一種“福氣”的道理！」、
•「你講咗唔收，但人哋照比就要收，讚賞你嘅善心，但唔好將善心強加係其他人度」、
•「點解唔收？1. 做壞規矩；2. 覺得老人家一定係窮？要你施捨你當人乞兒？」、
•「其實做好事跟本不需做錄影！即係話比人知你好關心老人家！做善事不需要show出來比人知！」、
•「你真係好人到不知所謂！有冇問過阿伯比唔比你影佢，真係不知所為！話比人知你做了大慈善家嗎！要有福報是你付出了天會知道吧！不需咁刻意比所有人知你好人！」。
的哥與伯伯乘客溫情對話逐格睇 ＋ 網民正反兩方面回應↓↓↓↓
有網民於是說公道話↓↓↓↓
•「支持樓主，世上多啲善心嘅人係好事，善事無分大小，若果收咗可以捐返去啲老人院舍，或者係幫助獨居老人嘅機構」、
•「其實伯伯衣著光鮮，皮光肉滑，說話溫文爾雅，而太太能夠入住老人院，其實財政唔會太差。而老人家年輕時為香港付出不小，有時當敬老回饋都唔錯」、
•「真心唔明啲人點解要踩！佢哋咁叻唔見佢哋請人食個飯飲支水？做唔做到先？做唔到就收嗲啦！人哋唔收錢當做善事積下福都要比人Ｘ！都唔知咩心態！ 懶係有正義感咁！」。
的哥與伯伯乘客溫情對話逐格睇 ＋ 網民正反兩方面回應↓↓↓↓
另有人提出建議↓↓↓↓
•「將車資做善事！」、
•「收$20算，我有時都係咁」、
•「收半價囉，佢會易接受啲」、
•「呢個都係一個好方法，樓主可以參考下」、
•「如果司機硬係唔收佢錢，可能伯伯會感到唔好意思同尷尬，尤其片中老人家至少當刻係無需要坐免費車，做善事可以將拎到嘅收入 去捐助其他更有需要人士」。
還有人搞笑地發現一重點，指「阿伯：頂，佢未找錢」、「司機大哥係好心地，但也是做生意最多收平啲，相信伯伯咁樣仲開心。不過唔收伯伯錢，但洗唔洗找錢，之後條片完了。其他網民回應請瀏覽上圖↑↑↑↑。
好人好事相關新聞：
將軍澳好心街坊接力代抱腳痛男孩 坐月港媽發文感謝 網民因一事眼濕濕
伸出援手，遞出樸實的善意往往小事意義大。將軍澳兩位街坊，日前主動接力抱起因甩掉腳甲痛極無法走路的男童，給才分娩兩星期的坐月媽媽幫上大忙。好人好事在網上流傳，一個接一個，傳遞的是暑天午後的暖心小故事，也是一個叫人熱淚盈眶的堅實信念：我今日幫你，他朝有一日人哋都會幫返我個孫。
兩街坊接力幫忙相片逐張睇 ＋ 網民感人至深回應↓↓↓↓
坐月媽媽銘記不相識的暖意
坐月媽媽消受過以上這份不相識的暖意後銘記心頭，8月4日傍晚近6時在網上發催淚長文道謝兩位無名英雄，強調「感激之外！還是感激！」，並引述其中一位叔叔所言「我今日幫你，他朝有一日人哋都會幫返我個孫」。
坐月媽媽催淚長文全文↓↓↓↓
