有市民在facebook指，早前在港鐵站乘搭扶手電梯時乖乖企定定，但卻被一名中女怒罵唔識「左行右企」，覺得委屈。事件再次引發網民對「左行右企」的討論，有人重提「左行右企」的缺點，直斥中女「仲活在石器時代」。
樓主附上港鐵扶手電梯安全運動宣傳大使櫻桃小丸子的海報，發文大呻「剛才係（將軍澳線寶琳站）新都城電梯往下去港鐵月台，左右兩邊企咗人，有個中女係我後面話借開，讓咗畀佢後重要彈我一句，唔識左行右企呀！」。《星島頭條》就事件向港鐵查詢，獲回應指「左行右企」......
使用扶手電梯時6大貼士↓↓↓↓
為加強乘客使用扶手電梯的安全意識，港鐵4月啟動本年度扶手電梯安全運動，並由卡通人物「櫻桃小丸子」擔任宣傳大使，推廣乘客使用扶手電梯時的6大貼士，包括樓主提到的「記得『握扶手，左右兩邊企定定』，不要在扶手電梯上走動」↓↓↓↓
網民挺樓主：左行右企太根深蒂固
回應的網民大都力挺樓主，指「讓咗位仲要俾人鬧真無禮貌」、「唉！左行右企太根深蒂固！」、「你即時話返佢，左行右企已經冇咗喇」、「中女重活在石器時代？取消了左行右企很久了。佢趕時間可以叫人讓過。但唔好寸人」、「昨天早上係上環站，都有地鐵職員叫人企左右兩邊啦！」；另有人指「我都試過。唔理佢，照企，佢不斷後邊嘈」。
小丸子推廣乘客安全使用扶手電梯 ＋ 網民有關左行右企回應↓↓↓↓
「請勿在電梯上走動」講咗好耐
雖然有人批評「企定定」訊息宣傳不足，但有網民帖相指「好多人話宣傳不足，但係每一條電梯上面都貼咗呢個標貼， 人無恥便無敵，即係人唔識字亦都可以係無敵」。
另有人重提「左行右企」的缺點，指「左行右企。浪費資源」、「其實都話明左行右企係唔安全㗎啦，唔係讓唔讓人嘅問題！仲有，行人電梯只有右邊企人負重，電梯會側埋一邊，好快壞」、「好耐之前已經話咁樣企一邊唔好啦，整壞電梯嘛…… 不過『請勿在電梯上走動』都講咗好耐，呢樣就冇變嘅」。
還有人分析指「其實如果所有人都企兩邊，係所有人都會快啲。宜家企埋一邊，對扶手梯會造成單邊損耗，左邊行嘅人會「快啲」係因為右邊嘅人sacrificed（犧牲）咗」。其他網民有關「左行右企」的說法請瀏覽下圖↓↓↓↓
小丸子推廣乘客安全使用扶手電梯 ＋ 網民有關左行右企回應↓↓↓↓
失平衡為常見扶手電梯意外成因
因應扶手電梯安全運動，港鐵表明長者是本年度活動的重點對象之一。過去3年，港鐵網絡內發生的扶手電梯意外約一半個案涉及長者，最常見的扶手電梯意外成因，包括失平衡及攜帶大型物件等。
而港鐵回應《星島頭條》查詢時表示，一直以安全為首要任務，就扶手電梯安全而言，公司定期舉辦扶手電梯安全運動，並配合相關政府部門有關安全使用扶手電梯的宣傳，呼籲乘客使用扶手電梯時，應左右兩邊企穩、緊握扶手及切勿行走。公司近年沒有向乘客宣傳在扶手電梯上左行右企的訊息。
扶手電梯相關新聞：
罕見意外｜3母女搭扶手電梯跌倒 慘變滾地葫蘆 大隻男衝前勇救
扶手電梯上跌倒是一件相當危險的事。網上流傳的短片見到一名婦人，早前拖著兩名年幼女兒踏上電梯後，即懷疑因為站不穩而失去平衡，壓著小女兒、拖跌大女兒，3母女在扶手電梯上一仆一碌相當狼狽，危急關頭下幸獲好心路人出手相助。
3母女搭扶手電梯一仆一碌逐格睇 ＋ 網民針對家長回應↓↓↓↓
老婦商場扶手電梯跌倒 途人拍照放上網捱批
大叔扶手梯螞蟻搬家運汽水 可樂排排企上樓 網民驚問車站無升降機？
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
