繼《貝遊英倫》後，蔡思貝主持新一輯旅遊節目《貝遊歐洲》，今日（24日）舉行記者會，分享遊歷趣事。蔡思貝透露為該節目到歐洲九個城市拍攝，逗留了三星期，最難忘到威爾斯感覺好像童話世界。她說：「啲屋全部五顏六色，其實係愛麗斯夢遊仙境主題嘅一個城鎮。我覺得耳目一新係平時去城市多，但嗰度一大片海洋，後面係呢啲夢幻小屋。如果重遊的話，影結婚相都得嘅！」
【相關閱讀】：蔡思貝與黃淑儀之子「愛火重燃」？徐肇平自費出trip全天候照顧女神
【點擊睇蔡思貝記者會靚相】：
蔡思貝表示今次之旅跟不同的人互動交流，其中到威尼斯最古老的魚市場尋找美食，更獲得當地人帶路。她說：「有個魚佬好有江湖味道，喺度食住個西瓜，然後抹抹隻手放低西瓜，就話跟我嚟啦！然後去咗間餐廳，原來佢爸爸喺度做廚師，佢話個個收工都嚟呢度食嘢，嗰度啲嘢真係超級好食。」蔡思貝又指到訪蘇格蘭期間，試過有次兩個外籍女生大讚她說：「You so beautiful！」，令她覺得獲得女生讚美會更開心。
【點擊睇蔡思貝出道10年美照】：
蔡思貝為節目再穿泳裝出鏡
談到為該節目以泳裝上陣拍攝，蔡思貝笑言參選港姐及拍攝《踩過界》曾穿著泳裝後都無試過，今次分別穿了三套泳裝在主題樂園及面對大海浸溫泉，又謂拍攝滑水場面，遇上好大浪。她說：「我好耐都無玩過，但又驚拍唔到同無shot用，加上好大浪，當時已經天黑，其實凍到震架！」問到可想再添食開拍旅遊節目，她笑言都想重遊讀書地方德國。
另外，提到電視廣播（TVB）公布中期業積，上半年虧損4.07億元。蔡思貝表示自己會做好演員本份，公司事情交由公司處理。
【其他文章】：
TVB節目巡禮2023丨蔡思貝露背上衣僅以幼帶掛身再局部晒腿 胡定欣靚裙激似雙色飲管
視后蔡思貝獲周星馳收做𡃁即叫大佬 被重提《踩過界》扮醜似「火雞姐」
蔡思貝淡妝學生Look現身英國 網民驚嘆真人勁白：劇裏顏值被封印了
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
