《東張西望》主持區永權已多次在網上申訴遭到惡鄰滋擾，寓所露台多度出現「空降」雜物，他曾與樓上住戶理論，亦找過管理處投訴，最終在5月時驚見跌落逾10粒玻璃碎，有感事態嚴重，已即時報警及報《東張》。原以為鄰居已消停，怎料日前又再在社交網第五度發帖文，今次更誇張見到螺絲批及螺絲釘，而家傭險出事，區永權男爆留言：「我再重申一次，我並非『高空擲物界』KOL！敬請各鄰居或身處鄰居單位嘅人士，唔好再高空擲物！」
【相關閱讀】：東張西望丨區永權以苦主身份報《東張》 採訪時再現高空擲物：入少少，我真係
【點擊睇區永權第5度遭受高空擲物】：
區永權早於2022年初已出帖文申訴被鄰居高空擲物所困擾，當中見到有吸塵機棍、雨傘、索帶、玻璃碎、玩具、螺絲帽、生牛肉等，露台成凰災區，更多度出現損毀。雖然區永權報《東張》後，看似問題已解決，但相隔約三個月再度故態復萌，區永權的太太原本打算吩咐外傭去露台收衫，如果早一步遇上螺絲批墮下時間，隨時生嚴重意外，區永權無奈再撰長文寫道：「正所謂：有得揀，邊個想咁慘？！正當區太準備叫姐姐出露台收衫之際，突然聽到露台傳出巨響，遙遠張望一下，發現又天降異物，分別有螺絲批、鐵圈、厚身金屬塊、螺絲釘，甚至Temple（Tempo）紙巾！得來不易露台風平浪靜嘅日子，過咗兩個月咁就告吹，而今次仲要有螺絲批！」
已報警求助
片段見到樓上有住戶搭棚做工程，區永權繼續留言：「如果，你話我哋全家人好彩，大步檻過。我想講，今次高空擲物嘅人兄，同樣好彩，無傷到其他人，否則佢面對嘅後果以及刑罰，絕對唔輕！當然，事發一刻，立即通知管理處及馬上報警，報警之後嘅細節，我就不便交代！但我再重申一次：我並非『高空擲物界』KOL，亦都無興趣做！不論你有心或無意，唔好再騷擾我哋！儘管你喺露台清潔又好，裝修都好，務必吩咐各人兄小心處理物件或工具，切勿禍及無辜！我希望，今次係最後一次控訴關於高空擲物嘅事！完」。
網民勸搬走
大批網民對區永權表示同情，又提出多個建議：「驗螺絲批指紋」、「報警啦」、「唔明呢啲人有咩心態連螺絲批都可以掉落街」、「唔明呢啲人有咩心態連螺絲批都可以掉落街」、「可否申請安裝天眼」、「報警都冇用？」、「似有人上面安裝中，跌落嚟，上面有冇人換冷氣？問保安」、「呢次真係可以報警，因為上面有人搭棚」、「區生，你不如搬走啦」等。
【其他文章】：
區永權第4度遭惡鄰高空擲物！露台驚現成地玻璃碎 遭勸搵《東張西望》：自己訪問自己
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
