商台踏入64周年，昨晚在尖沙嘴舉行晚宴，與全台員工聚首一堂，適逢今年是廣播劇《18樓C座》「周老闆」的90歲生日，商台為「周老闆」金剛舉行慶祝活動，雖然「周老闆」 變了做「李三腳」，不過依然中氣十足，商台送上一個寫有「廣播之金剛」的金牌送給「周老闆」，接着全場為他唱生日歌，本來「口若懸河」的「周老闆」亦變得齮齮齕齕，他感動地說：「我會繼續努力，多謝！」
【相關閱讀】：商台台慶丨DJ當奴稱未收到MIRROR缺席頒獎禮通知 現身與否不會影響獎項
【點擊睇「18樓C座」周老闆90歲生日相】：
「周老闆」被邀請上台時，他的心情已經十分緊張，從商台主席何驥先生和董事及行政總裁陳靜嫻小姐手上接過寫有「廣播之金剛」的金牌後，「周老闆」更加一臉感動地說：「好興奮，幾乎唔識講， 我而家變咗『李三腳』，好多謝商台畀我一個咁高嘅榮耀，多謝18樓所有嘅同事嘅包容同幫忙，我先可以爬到出嚟，我喺59年參加咗商業電台，到咗64年先正式成為基本藝員，由嗰段時間開始到現在，已經有60幾年。」他續說：「有個劇本我可以講到好順，冇咗劇本即刻唔識講，講到『齮齮齕齕』！因為我唔係節目主持人，又唔係DJ，所以我講嘢係好論盡。我學識淺博，根本係冇乜技能，但係好好彩，商台養咗我60年，我而家已經90歲，可以講得係我嘅衣食父母，我會繼續努力，多謝！」適逢今年是經典廣播劇《十八樓C座》55周年，一眾《十八樓C座》台前幕後同事齊齊上台，陪「周老闆」切壽桃並與全場大合唱祝壽歌，為「周老闆」送上祝福！
「周老闆」曾任巴士售票員
人稱「周老闆」的金剛叔，原名叫周朝杰，在商台工作逾半世紀，是長壽廣播劇《十八樓C座》的靈魂角色，劇中的經典對白「你黐筋啦！」、「你家山發！」，令聽眾留有深刻印象。未成為播音員之前，「周老闆」曾任巴士售票員，後來在機緣巧合下，轉到港台做藝人，到了1964年跳槽商台，工作至今。中氣十足的金剛曾在訪問上表示，多得媽咪給他一副好聲帶，人越老把聲越響，他又稱自己沒有戒口，亦沒有進食補品，最愛吃煎炸熱氣食物，至於多年來主力「賣聲」，金剛叔覺得聲演工作比較輕鬆。
【其他文章】：
細數11位年過90歲藝人！笑匠將變百歲人瑞壯健過胡楓 粵劇名伶瀟灑息影神隱多年
75歲秦煌近照曝光重見「肉頸」露慈祥笑容 為健康一度勁減近70磅
85歲瓊瑤優雅現身！搞演唱會獲古巨基緊牽入場 四年前喪夫已走出陰霾
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
