由MIRROR成員江𤒹生（AK）、太保及譚玉瑛等主演驚慄電影《七月返歸》昨晚在圓方舉行首映，活動上AK指第一次擔正所以好緊張，太保則表示演員們都很優秀，更特別指AK有潛質，至於戲中2名小演員則指AK在拍攝時也很照顧他們，更不時會提點企位和安慰他們。
【相關閱讀】：MIRROR傳將缺席所有音樂頒獎禮 鏡粉質疑為賺錢不出席
【點擊睇《七月返歸》首映現場】：
對於被太保讚有潛質，AK就住今次就算是小演員也是他的前輩，能與他們合作覺得很開心，在拍攝時也聽他們說了很多經歷，從中也學了很多，並指戲中小演員也很聰明，更指他們會主動找他對戲，令他也不敢怠慢。談到第一次擔正，AK坦言緊張兼有壓力：「開頭唔知自己應唔應付得到，我都搵咗我嘅戲劇老師去幫手，因為我知道中間有好多場嘅情緒都好爆發，我驚自己拿捏得唔準，所以我將呢個交畀老師、導演同監製去睇，幫我做檢討。」提到MIRROR其他隊友也表示有票房的壓力，AK坦言自己也有：「我覺得唔係自己大壓力，而係出面太多比較，我都有同導演講，其實我唔係屬於『大貨』嗰批，但點都好我都好多謝團隊當初願意相信我，畀呢個機會我去做呢套戲。（叫fans好似Anson Lo粉絲咁包場？）佢哋話驚，我畀咗啲方法佢哋，叫佢哋搵啲心儀嘅男仔或女仔，約佢哋去睇鬼片。（你？）約返自己想追嘅人先啦！」AK指自己看回作品時一直分神去看周邊的事物，例如自己的演技是否有改善空間，又或是觀眾的反應，亦看到預期的驚嚇為大家也有反應。
剛從美國回港的AK明顯瘦了不少，他指回港後為《打天下2》開工時大家也這樣說，他解釋在美國吃得健康之餘，加上當地每天也40-50度高溫，尤如焗天然桑拿一樣，問到AK是否有時間發展其他生意？他說：「呢排都唔會住，專心搞自己牌子同埋哥哥嗰間拉麵店，其他時間都會專注返係演藝事業。」提到他的生意結束後也沒有其他問題，AK指因為哥哥安排得好，就算做生意撞板也是一個經驗，問到會否被嚇到不敢做生意？他笑說：「有咩可以嚇怕我？喺我星途嘅路上都遇過好多阻滯，《造星》只係最後一步，都捱得過，冇問題嘅！」
另外，問到MIRROR是否不會出席音樂頒獎禮，AK指沒有正式通知：「但我都有睇過啲新聞，我嗰日都講，點會問Frankie ？問個膊頭有花㗎嘛係咪先！（所以而家問你！）我哋當然好想出席，始終係每年一個樂壇嘅大盛事，但因為公司真係lock咗期排演唱會，而家仲安排緊個行程，當然我哋真係全部都好想出席，唔理獎項與否，因為每一年我哋都係趁呢個機會同其他歌手聚會。（會同公司爭取？）公司都會爭取，但因為真係要度排練嘅日子，所以要等公司安排，但我哋公司同我哋自己本人都係非常之想去。」
【其他文章】：
Frankie@MIRROR自爆鍾意儲文具 鏡仔缺席頒獎禮覺得好可惜
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
