吳雨霏（Kary）與初戀男友洪立熙（Brian）相戀八年，於2015年在美國註冊結婚，婚後誕下兩女一子，非常幸福。吳雨霏雖然要照顧三個小朋友，但不少人都羨慕她有一位「神隊友」，因為老公會幫手湊仔女，原來幫得手的人還有她的老爺，難怪吳雨霏要公開感謝。
【相關閱讀】：吳雨霏1歲細女萌照曝光 盡得媽咪長腿遺傳 罕談囡囡先天心臟問題
【點擊睇吳雨霏家庭照】：
吳雨霏留言：「暑假plan咗喺溫哥華四個禮拜，本來工人姐姐可以一齊嚟，但臨走前兩個禮拜突然間攞唔到visa，最後我同老公頂硬上，就2打3去咗加拿大。雖然3個小朋友都非常聽話，但頭個幾日大家都要適應時差，還有一大堆家務要處理時，真係攰到一個點…本應老爺喺加拿大先同我哋會合，但當知道我哋需要幫助，二話不說就話同我哋一齊住。佢唔單止幫手照顧大個兩個，成日同佢哋玩遊戲，日日仲幫BB煮埋嘢食，等我同老公可以透下氣…簡直係我哋嘅救星！深深體會到係最徬徨的時候，家人永遠係最可靠…（感動ing）為了答謝老爺，一定要一家人食餐好嘅！好難得可以同老爺奶奶double date」。
網民羨慕嫁得好
照片中見到吳雨霏與老公及老爺奶奶來個雙約會，到酒店食飯，一行人已經返香港，今次相信是多謝老爺奶奶的幫忙。吳雨霏的老爺非常可愛，在其帖文下留言回覆：「真的很好吃！謝謝你的邀請」，網民見到吳雨霏獲老爺奶奶愛錫大表羨慕：「幸福到一個點」、「家有兩老如有兩寶，珍惜珍惜」、「好難得有咁幫到手嘅老爺奶奶」、「除左幸福，都係幸福，好幸福」等。
洪立熙家境富裕
吳雨霏的老爺洪德曾任體育新生命基金會行政總裁，因為患上糖尿病多年，擔心兒子洪立熙會有遺傳病，因此在兩個兒子小時候便安排學打網球。與吳雨霏是青梅竹馬的洪立熙，家住渣甸山，就讀香港加拿大國際學校，是香港的精英運動員，於2003年在全運會中奪得網球單打金牌，近年投身金融行業的他，憑人脈發展不錯。
【其他文章】：
吳雨霏裸身褸被單床照曝光！老公視角捕捉起床一刻極誘人 歌迷等復出跪求唔好造人住
前Cookies聚會繼續飛起2月壽星Miki 36歲吳雨霏極難認區文詩變紙片人網民擔心
吳雨霏晒甜蜜照賀結婚八周年 嫁初戀男友歷三次離合 走過小產陰霾組五口之家
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
