由蔡思貝主持的旅遊節目《貝遊歐洲》昨晚（6 日）播出第6集，蔡思貝去到意大利的維羅納展開浪漫之旅，維羅納被喻為「愛的城市」，莎士比亞名作《羅密歐與茱麗葉》便以當地作背景。同行還有她的緋聞男友、資深演員黃淑儀兒子徐肇平，更大爆兩人私下相處的點滴。
【相關閱讀】：你好，我的大夫丨蔡思貝爆胞兄職業原來是筍盤？ 稱不覺對方靚仔
【點擊睇蔡思貝徐肇平同遊歐洲靚相】：
蔡思貝去到維羅納尋找茱麗葉的足跡，更到「茱麗葉屋企」參觀，化身茱麗葉在屋內上演小劇場。該處設有茱麗葉銅像，不少遊客排隊摸其右胸，蔡思貝解釋：「相傳如果摸到佢右邊胸部，就會為你嘅人生同愛情帶嚟好運，仲會搵到真愛。」她最後幾經辛苦摸到銅像，並拍照留念。除了「真愛」銅像，茱麗葉家中還有個「愛情洞」，洞內收藏了來自世界各地遊客的情書，蔡思貝看完其中一封情書後，更大嘆「愛情應該係轟轟烈烈」，相當感性。
寸爆徐肇平出食譜教整生果串
今集蔡思貝更找來相識多年的好友徐肇平（Shao）在維羅納相聚，高大靚仔的他插着褲袋Chok爆登場，豈料蔡思貝卻揶揄他：「你唔好Chok啦，行啦！」其實兩人相約在維羅納見面，主要目的是跟徐肇平去「拜師學藝」，向來醉心鑽研廚藝的他，是次飛赴維羅納是專誠向當地家庭主婦學煮地道意大利菜，蔡思貝只是一同學習。二人在當地家庭主婦悉心指導下、炮製了新鮮手製意粉和杏仁金寶，其間蔡思貝寸爆緋聞男友：「呢個人出過cookbook（食譜），佢其中一味餸俾我哋笑足十年，係教人點整鮮果串，即係將啲生果切咗一粒粒再用竹籤串住，呢個係食譜喎？」
一有機會就借徐肇平搞笑的蔡思貝，之後和好友去到海拔774米高的聖母卡羅納聖殿參觀，並再爆對方趣事：「點解我哋咁friend？有一次同期入行嘅一大班朋友食飯，食完飯傾偈嘅時候，佢突然放咗個好響嘅屁，仲要對住我！」被爆料的徐肇平則抵死回應：「咁咪勁囉。」場面搞笑。
【其他文章】：
貝遊歐洲丨蔡思貝胞兄真面目首度曝光 定居蘇格蘭17年為妹妹炮製愛心餐
你好，我的大夫丨蔡思貝一原因用針拮自己 與何廣沛同期出道首度合作
貝遊歐洲丨蔡思貝純白泳裝晒健美身材 戶外浸浴伸出長腿竟零美感？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
