現年44歲的宋芝齡入行多年，與原名秦錦添的安德尊（大王）因同屬《流行都市》固定主持人，二人又常在節目中打情罵俏，因此緋聞傳足多年，二人曾被發現到私竇密會，但未有承認關係，而外界就早已視二人是一對。日前宋芝齡在社交網公開與安德尊穿上中式禮服的照片，引起網民熱烈討論。
【相關閱讀】：安德尊經宋芝齡韓國買山投資變買「山地」 睇相先發現直呼：嚇到我死！
【點擊睇宋芝齡安德尊預演婚嫁？】：
安德尊還有幾日便62歲生日，宋芝齡此時貼出穿上裙褂的照片，而安德尊亦換上中式馬褂，背景見到有紅色「囍」及對聯，以及「百年好合」，旁邊更有敬茶用的茶具，一絲不苟，二人又對住鏡頭擺出心手勢，看起來相當甜蜜。不過一張四人合照卻出賣真實情況，外母充竟然是2010年落選港姐彭慧中，宋芝齡與安德尊明顯只是以情景演出。宋芝齡留言公開真相：「很久沒有與拍檔彭慧中、大王以及同一班Crew #流行都市外景，今次外景主題係 #大妗姐文化，劇情有趣，大家記得睇啊」。
不少網民原本見二人晒幸福送上祝賀，但得悉是為配合節目，即洗版催婚：「我真係以為你同大王……」、「你和大王好襯」、「假戲成真？」、「幾時真係嫁比大王做秦太啫？」、「應該要穿著傳統韓國裝束」等。
宋芝齡加入政黨
5歲隨家人由韓國移居香港的宋芝齡，除擔任《流行都市》主持外，同時做移民生意及開韓文學校，最近還選擇從政。今年初民政事務總署公布「分區委員會委員名單」，見到其名字在灣仔西名單上。宋芝齡已加入自由黨，更是灣仔支部主席，早前便與立法會議員張宇人、易志明、邵家輝等在灣仔街頭派福袋。宋芝齡對參選問題，曾表示要睇市民反應。
【其他文章】：
《流行都市》變TVB女星失守重災區 44歲「隱形富婆」宋芝齡短裙蹺腳露神秘三角位
隱形富豪安德尊買入韓國一座山 身家豐厚擁元朗地皮傳有多國物業
TVB 5大黃金盛女集結 胡定欣獲媒人介紹失敗 港姐季軍單身但有「老公」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
