《東張西望》今晚（11日）報道有觀眾控訴在大窩口邨近年出現惡婆婆，疑故意在區內的多間超市以手推車撞人。有街坊腰部被撞瘀，亦有受害人遭三度攻擊辱罵，有人又拍到惡婆婆在超市內拎起一大盒奶掟人，心理學家對惡婆婆的行為作出分析。
【相關閱讀】：東張西望丨前港姐廖倬竩首主持跌膊出鏡即被封新女神 陳瑞菱訪問慘被教訓：你係我養嘅雞？
【點擊睇荃灣惡婆婆超市推車襲人】：
主持陳瑞菱訪問多位街坊都表示曾見過惡婆婆的惡行，而且有不少是老人家，更擔心被撞受傷，見到惡婆婆會迴避，因為對方會無差別地襲擊人。其中一位受害人Apple表示，有一次在超市內彎腰揀沐浴露，卻被惡婆婆從後用手推車撞向腰部，Apple指自己原本沒有與惡婆婆有眼神接觸，但被撞後二人發生爭執，惡婆婆再用手推車撞向Apple肚部位置，Apple返家便發現腰部受傷出現瘀青。而Apple的母親「陳媽媽」更三度遭惡婆婆攻勢，又向她粗言辱罵，更試過被撞向辦公室門口。
惡言相向
另一TVB職員Amy亦曾目睹惡婆婆的行為，在片中惡婆婆在牛奶位置，有一男子在她的前方取下一盒奶，卻因此引起惡婆婆的不滿，不但發生口角，更拎起一大盒奶掟向男子方向。超市職員為此與惡婆婆理論，反而遭到惡言相向：「好呀！報警呀！（你搞到啲嘢掟到爛晒，你掟人呀，真係好離譜），你又唔知啲嘢，唔知頭唔知路，就嚟鬧人，（我睇住你掟姐姐，你唔好出聲唔好嘈），嗰個臭男人，（你惡意破壞嘢呀），你知道咩（你有無揼嘢先？）佢掟嘢落我架車度呀！」對於超市內的其他顧客，同樣被惡婆婆推撞，惡婆婆理直氣壯說：「唔好出街返屋企囉！」
否認撞人
惡婆婆對節目採訪，否認有撞人：「我撞邊個，報警啦嗱嗱聲，做乜唔報警，報警拉我去坐監吖。」香港心理學會註冊臨床心理學家趙思雅對對惡婆婆的行為作出分析：「覺得呢位女士無論係口角或者用手推車撞人，都係有一個共通點，就係覺得對方阻住佢，而覺得人哋阻住佢就開始有情緒出現，而呢個情緒係憤怒、躁底，其實係一啲幾常見嘅抑鬱症狀，咁都要睇返佢係咪刻意，每一日去超市搵對象，想用手推車撞人，如果係呢個情況，似乎佢有一鋪癮，好想有一個快感去攻擊人。」
【其他文章】：
東張西望丨梁敏巧驚傳退出網民狂挽留 今連環出Post以九字親解去留
東張西望丨女神梁敏巧將退出？ 網民難忘小背心「威脅式」挽留：報《東張》
東張西望丨大學迎新營爆不雅事件再揭非禮案 街訪學生不怕過火：我無所謂
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
