獨家丨袁富華母輕微中風相處似玩Game 吳肇軒曾照顧腦退化嫲嫲助演照顧者

Previous Next

相隔5年，袁富華（Ben）跟吳肇軒再於電影《說笑之人》合作，並首演父子。前者要將殘障者的內心世界呈現，後者作為照顧者亦好難拿捏，甚至勾起兩人跟已逝母親及嫲嫲的回憶。另外，他們憑電影獲得芝加哥《亞洲躍動電影節》的演藝事業成就獎及璀燦新星獎。採訪：杜杜 攝影：Stanley髮型:Domanic tao@Orient 4(Ben)、Lupus@O4(軒) 化妝:Euthy Wong(Ben)、Bon Bon(軒) 服裝:INITIAL GENTLEMAN(軒) 場地:Amaz by Lokianno

Ben哥和軒仔將親身到芝加哥領獎，更認為得獎是台前幕後的功勞。

Ben哥希望透過海外奪獎，令外地了解香港電影質素已達國際水平。

軒仔在處男作《哪一天我們會飛》上映後，在工作坊認識Ben哥，「佢係其中一個老師，嗰時佢已經成日鞭撻我。」Ben哥解釋，「叫佢出嚟做exercise，我當時真係咁樣講『《哪一天我們會飛》過咗去，唔好再做嗰啲嘢嘞！』佢仍然係『蘇博文』（戲中角色）嗰種憂鬱咁行出嚟，搵唔到演員本身個dynamic。」軒仔追問：「𠵱家呢？」Ben哥由怒變笑，「𠵱家一齊玩都唔知幾開心。」

Ben哥提起當年軒仔在工作坊表現未達標，後者勁尷尬。

《哪一天我們會飛》於2015年上映，當時軒仔22歲。

父子角色各有難度

Ben哥在《說》中因小時候發高燒，影響腦部發育，要演繹身體機能和智力有問題，但他覺得內心戲更難掌握，「佢諗緊乜嘢？點解可以咁樂觀？快嬲又快冇事，旁敲側擊先搵到佢個理念，因為思想似小朋友咁單純，唔想人哋唔同佢玩，情願俾人呃都唔想破壞關係。」軒仔認為做棟篤笑演員難，都不及做照顧者難搞，「最難處理係照顧爸爸，棟篤笑係一個宣洩點亦都係橋樑，畀我哋去和好，佢人生面對嘅問題，先係角色最難處理嘅嘢。」

戲中Ben哥和軒仔的父子情，既搞笑亦感人。

軒仔棟篤笑Sell戲，笑言學選舉未上映已告急。

Ben哥角色晚年患上柏金遜症，勾起他們跟已故母親和嫲嫲的相處回憶。Ben哥媽咪因輕微中風，損害了腦部詞彙系統，會用不同詞彙代替人名，「初頭我覺得好煩厭，後尾搵到溝通方法，不停問佢係咪想講邊個，好似玩game，睇你點樣去面對。」軒仔亦曾照顧患腦退化的嫲嫲，「嗰陣係畢業後入行嗰幾年，嗰種唔成熟嘅照顧，可以應用喺套戲，但我當時同嫲嫲係好開心嘅。」

跟嫲嫲相處經歷，對軒仔演繹照顧者角色有一定幫助。

《星島頭條》新網站有更多精彩內容：http://www.stheadline.com/