有網民早前放半天假結伴上深圳吃喝玩樂，睇戲食飯飲咖啡，玩好食好後列出使費清單，不計車錢共盛惠¥44.8元人民幣（約$48.21港元），超低使費觸動網民荷包神經，嘩聲四起。面對網民的踴躍提問與求教，樓主化身深圳吃喝玩樂大使有問有答教路，袋錢落網民袋提供不少有用的北上抵玩抵食實戰資訊。
高手網民深圳半日遊使費清單逐條睇↓↓↓↓
樓主教入會 ¥19.9睇史泰龍最新西片
先說第一項的睇史泰龍最新西片，¥19.9的極低價最吸引網民眼球，紛驚訝地提問「¥19.9睇戲真係好平」、「睇新戲點先可以咁平？」、「我自己上去都未玩過咁平喎，我最平買過嘅電影票係¥50+」。
樓主於是按部就班教導，指「上『貓眼』睇吓，好多戲院戲飛都可以做到¥50以下」，並稱史泰龍最新西片是在「蓮塘口岸『GLC影城』」睇的，先「入會」後用¥19.9「會員價」買票，並附上指使用相關程式的方法，詳見下圖↓↓↓↓
高手網民深圳半日遊 教路¥19.9睇史泰龍最新西片逐張睇↓↓↓↓
樓主：領券後瑞幸咖啡¥9.9一杯
接著有人關注瑞幸咖啡售¥9.9的生椰拿鐵，問「『瑞幸』不是¥19一杯嗎？」，樓主回應指「領券後¥9.9一杯」。
另有知行情的網民補充「『瑞幸』你關注佢公眾號，每星期都有一杯¥9.9，但係要到店取先可以，外賣不可」；另有網民好奇「請問是否沒有醬香拿鐵？」，有人上報最新情況，大熱的醬香拿鐵「賣完了」。
高手網民深圳半日遊 教路領券後瑞幸咖啡¥9.9一杯逐張睇↓↓↓↓
兩個人叫3個餸2碗白飯 人均¥75
至於樓主坐地鐵去「萬象滙」的「綠茶」食晚飯，花費¥75，有網民卻感奇怪，指「『綠茶』餐廳果碟係東坡扎肉？另外碟雞係邊款嚟？¥75蚊食到咁多咩？我睇menu（餐牌）都冇咁平，定係人均¥75？」。樓主連隨回應指「隻雞叫『龍井茶香脆皮雞』，我哋兩個人叫咗3個餸，2碗白飯，人均¥75」。
高手網民深圳半日遊 教路¥75食豐盛一餐↓↓↓↓
刮彩票刮中¥80
就著樓主的餘慶節目——「食完飯喺綠茶出面買張彩票刮吓：-¥20，點知好好彩俾我刮中贏咗八十蚊：+¥80」，網民好羡慕，稱「正喎，你就好啦中¥80，我只中過¥20」；另有人好奇「請問刮刮卡在那裏買？」，樓主回答如下↓↓↓↓
高手網民深圳半日遊 教路刮彩票↓↓↓↓
網民總結：在港$44午餐都食唔到
樓主總結半日行程，指「唔計車錢上去吃喝玩樂總共用咗：¥44.8」，回應的網民指「在香港$44午餐都食唔到」、「好少少嘅早餐都唔夠」，樓主也滿意地稱「係呀，44蚊可以做到咁多嘢真係好正」。
帖文來源：fb「深圳大灣區好去處開心share」
深圳遊相關新聞：
深圳深業上城1秒走入歐陸小鎮 網民刁鑽角度拍出教科書式作品【附前去方法】
位於深圳地鐵10號線冬瓜岭站的深業上城，戶內有大型商場、戶外有歐陸小鎮，左右兩旁各以空中走廊連接畢架山公園與蓮花山公園。當中的小鎮成為北上港人打卡熱點，有網民更以獨到角度配合陽光，拍攝出教科書式作品，將小鎮的色彩空間發揮得淋漓盡致。
網民深業上城小鎮教科書式美拍逐張睇↓↓↓↓
內容詳情請看↓↓↓↓
原文詳見：深圳深業上城1秒走入歐陸小鎮 網民刁鑽角度拍出教科書式作品【附前去方法】
北上「深圳之眼」打卡 崗廈北地鐵站竟有港人限定彩蛋......【附前去方法】
回鄉證延有效期 網民力薦深圳甘坑古鎮玩餐飽【附前去方法】
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
