尖沙咀一間印尼食店的老闆，因負評與食客爆發罵戰，該食店老闆回應相當進擊：「我接到你依個『客人』算唔算中伏？」「請你唔好再黎啦，搵你80幾蚊慘過做雞。」
事件在網上引發熱議，有網民表示：「唔怪得無人（喺）香港消費。」
涉事的印尼食店位於彌敦道一棟大廈的3樓，其前身為一間屹立佐敦40年的懷舊印尼餐廳，老店於2016年結業，其後由第二代接手再於現址復開，現時兩位老闆均為港人。
第一場罵戰：貼錢買難受？
有食客在網上對該食店留負評，分享今年4月一次光顧的感受指「貼錢買難受」。
該食客批評食物「係得個甜字」，店員「態度勁串」，要點如下：↓↓↓↓
涉事的印尼食店位於彌敦道一棟大廈的3樓，其前身為一間屹立佐敦40年的懷舊印尼餐廳，老店於2016年結業，其後由第二代接手再於現址復開。（google地圖截圖）
有食客在網上對該食店留負評，分享今年4月一次光顧的感受指「貼錢買難受」。
該食客批評叫的大部分菜式「係得個甜字」。
他特別指其中一碟薩摩汁牛肉，「成兜野甜到食唔落」，而且「仲要係用肥牛片。」
「炒飯有鑊焦粒，雞絲有D硬，又係甜味。炒四季豆有D生，D參巴醫又係甜。」
除食品質素外，該食客又批評店內職員態度。
「收銀阿姐態度勁串，只係問佢我哋落咗幾多樣餸，佢就好惡咁掟返畀我哋睇張紙，話你自己睇返叫咗幾多！」
「侍應個個好急好忙咁，問佢邊到有水，只係講前面轉左，佢個斟水位又被擋住，最後都係冇斟情願出去買！」
店主其後以長文親回，說話相當進擊，包括「慘過做雞」論，要點如下：↓↓↓↓
店主其後以長文親回，說話相當進擊。
店主心水清，記得該食客當晚4個人，埋單$329，「人均消費剛好82蚊左右。」
店主：「這個消費額在晚市的尖沙咀區，相信除了M記外都不能做到。」
至於被指食物「甜到食唔落」。
店主回應：「既然你話「甜到食唔落」，點解你地會食到連汁都一滴不留？(精神錯亂？)」
「黑豉油當然是甜的啦，難道會有酸的黑豉油？」
對於那碟「薩摩汁牛肉」被指用肥牛片，店主回應：「唔知道你們是否沒有去街市買菜的經驗？請你們調查一下肥牛的每磅成本是多少？肥牛又是否為低下的肉種？」
對於店員態度差的指控，店主回應繼續進擊。
店主回應：「餐廳忙，侍應梗係忙，忙起上黎答嘢當然會急D。」
「不過我同你強調一點，就係我地餐廳無收你加一服務費。」
「如果你想要比較好的服務，就建議你去五星酒店。」
「佢地服務都非常好，就算你再無理取鬧，佢地都會笑住望住你。(只不過可能會在心裡咒罵你)」
對於食客指未能取水，店主仍然心水清。
店主：「雖然你（指食客）聲稱唔知水起邊，但係該晚你地又好成功咁去攞水去洗餐具。」
最後店主表示：「請你唔好再黎啦，搵你80幾蚊慘過做雞。」
該食客其後再回應：「一間連顧客反映真實聲音的店鋪，難怪出品品質同店主同出一轍。」
店主繼續進擊：「點都叻過你，我地做一件事可以專注做幾十年。 而你只能匿名連樣都唔敢露岀，起度扭曲事實胡言亂語。 我地打開門做生意，正大光明，有咩怕你？」
第二場罵戰：點知就中伏？
第二場罵戰在一週前發生，有食客負評該店店員的惡劣態度。
該食客細數在店內用膳「受氣」之處，要點如下：↓↓↓↓
第二場罵戰在一週前發生，有食客負評該店店員的惡劣態度。
食客批評「門口呀姐」態度差，餐廳限時，「如果坐低就要開始計時80分鐘。」
「最後都係好唔情願地俾我哋入去搵已經坐低咗嘅朋友，之後每一位入座嘅客人都抱怨門口呀姐好惡趕客。」
「食物方面有好有壞。咖央多好食，巴東牛肉都好正宗。不過所有食物嘅調味都偏甜。」
「但係米飯唔夠水分非常硬，咬到牙較都軟。」
「埋單每位$100。呢個價錢喺佐敦尖沙咀算平。但有其他更好嘅選擇，起碼唔洗受人氣，同埋對個胃都健康啲。」
該食客又批評店主「不願接受批評之餘仲要將責任推卸落顧客身上。可能佢哋大把生意，唔志在少咁幾個我呢啲閒人幫襯。」
店主再在帖文下留長文反擊，對話依然相當進擊，但出帖數小時後又刪走回應，改為道歉。
店主繼續進擊：「接到你依個『客人』算唔算中伏」，回應突變道歉文？要點如下：↓↓↓↓
店主就這位食客的負評，再發長文回應，當中有不少金句。
「一日做得幾辛苦坦白講也不怕，最怕就係見到你啲咁嘅人咁嘅留言。」
「特別反映到好似我哋依啲小店，應該對你所謂客人卑躬屈膝，應該對你雙膝跪地先令你滿意。」
「你唔好咁自我中心啦，你要考慮吓人哋其他等位嘅人。」
「我接到你依個『客人』算唔算中伏？點解你可以咁自私？」
「我咁辛苦做完嘢，一打開電話就見到你講啲咁嘅嘢，你會唔會賠返錢畀我？」
「大過啦，成熟啲唔好成個『巨嬰咁』。」
店主長文發出後數小時，其後刪走回應，改為道歉。
店主道歉：「思前想後，我之前對你的言論實在是非常惡劣。 也不應用工作繁重來做自己態度差劣的藉口。 對你致上萬分抱歉。」
店主最新長PO指願「斟酒認錯」
店主昨日（18日）再在其官方FB發帖，以長文回應事件，指「細佬脾氣口氣，唔係太好。」，更表示願意開Live，向當事人「斟酒認錯」。
店主長PO金句連連：「細佬脾氣口氣，唔係太好。」要點如下：↓↓↓↓
店主昨日（18日）再在其官方FB發帖回應事件。
「大家脾氣唔好，基本上每一日都會有一個客人對我哋講粗口x我地老母。(完全冇交流之下)」
「細佬脾氣口氣，唔係太好。」
「代入大家都係打工仔嘅角色，可能我哋好俾心機做完老闆俾的工作，問心無愧去交貨嘅時候，」
「老闆竟然回你一句：『屌你啲嘢全部都係甜嘅。同我捱通宵重新做過！』」
「咁真係一時之間收唔到怒火，不識大體咁講左啲唔係幾好嘅回應。」
「所有嘢都係我哋錯，大家唔好嘈交。」
「呢位自修室嘅弟兄，如果你係當事人。我誠意邀請你嚟開個Live ，小弟親自向你斟酒認錯。」
「希望大家唔好嘈交。我哋大家都係香港人。有怪莫怪。」
網民對事件反應兩極，有網民撐店主：「「真係晚飯80唔好預飽，仲要尖沙咀。」「雖則間嘢回應幾串，但每人畀個少少，講到好難食但又食晒，仲要上網打長文唱衰間餐廳，我係老闆都唔gur啦。」
網民：唔怪得無人香港消費
但有網民則有所暗示地指：「唔好得罪佢（指該店老闆）啊，出晒名。」
有網民則認為：「（店主）咁囂張，$82/1都嫌，唔怪得無人香港消費。」「外人眼睇餐廳就算無錯，（店主）回應都有啲寸嘴。」
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
