領賢慈善基金（FIF）「紙藝詩翩」慈善晚宴今晚在四季酒店舉行，陳寶珠與兒子楊天經和新抱吳文珊、梅雪詩、張敬軒、楊千嬅及莫文蔚等亦有出席。當中以身穿黑色透視裙現身的莫文蔚最性感，陳寶珠與梅雪詩同樣身穿黑色連身裙現身，陳寶珠戴上珍珠項鍊及耳環，而梅雪詩則搭配法國品牌Van Cleef & Arpels項鍊，同樣充滿貴氣。
【相關閱讀】：陳寶珠留型格銀絲離奇撞樣葉童 81歲梅雪詩曾大病暴瘦現況佳
【點擊睇陳寶珠貴氣現身】：
身為文化藝術大使的張敬軒與英皇新人黎展峯（Andy）一起受訪，張敬軒指FIF是很有心將香港藝術家帶到國際的機構，自己亦希望可以將其他國家的藝術家帶到香港做文化交流。提到中秋節在即，張敬軒表示今年會是人生第一次，在中秋節當晚約朋友打機，自己本來玩格鬥遊戲最叻，不過最近就愛上體育，所以亦有玩足球遊戲，更指打機之餘亦有落場踢波：「以前啲朋友打牌居多，而家打波多，而家開始玩足球，不過未搵到踢咩位置，佢哋話我暫時嘅狀態係做啦啦隊，未可以落場踢。」
張敬軒帶新人巡迴
張敬軒還表示小時候做過前鋒，不過已是30年前的事，提議他組英皇足球隊，他笑指怕不夠人，但可以搞男女混合：「衛詩雅都踢得下，再搵Mani（霍汶希）做領隊。」張敬軒指11月將會到澳洲做巡迴演唱會，所以可藉住做運動鍛鍊，今次將會在墨爾本和悉尼開騷，也會帶同黎展峯一起去：「我都好堅持要佢哋由幕後做起，咁安全感會多啲，佢咁高可以幫我掛燈、掛衫。」
此時黎展峯就突然爆出一句：「掛住你囉或者。」嚇到張敬軒措手不及，並說：「而家啲新人真係叻，我入咗行20幾年都講唔出口。」張敬軒又表示現在除了教導黎展峯外，亦會跟對方交流一下日常：「佢哋新一代都有自己諗法，佢會講吓佢哋呢一代點樣玩IG，咁樣交際又或者玩緊啲咩game，佢最近好興玩嗰啲blackmagic，我而家學緊，學下啦，如果唔係驚自己癡呆。」
莫文蔚推三國語言新歌
同場的莫文蔚透露剛與老公歐遊兩個月，回港後便開始工作，下星期將會推出三國語言的新歌， 並指這首歌風格與以往不一樣：「呢隻歌醞釀左兩年，我有份創作，之前同朋友一齊食飯突然有靈感，就話不如一齊寫歌，之後就即刻攞電腦一齊作咗隻歌，後來因為疫情未穩定，所以拖到今年先出。」
今年是莫文蔚入行30年，她興奮表示稍後將會有一個個人小型展覽，到時將會展出一些個人物品，其中一樣是在20多年前影的限量版寫真集：「好多人未睇過啲相，而家科技發達好多嘢玩，用新嘅手法去呈現返以前嘅作品，幾得意。」莫文蔚又指莫媽媽剛過了84歲生日，所以近期也會留在香港陪媽咪。
楊千嬅今日現身身形fit了不少，她解釋是因為5月已開始舉行巡迴演唱會。楊千嬅現時除了工作外，亦享受家庭樂及籌備新的廣東歌，雖然做巡迴演唱會疲累，但亦覺得開心，因為可以專心做一件事之餘，亦多了私人時間。楊千嬅演唱會暫時排到明年2月，問到是否豬籠入水，她說：「又唔係嘅，有得唱就唱，人開始大，體力上保持到的話都想盡量做自己想做嘅嘢。」
楊千嬅11歲囝囝升中一
至於兒子Torres是否有投訴她太忙？她指11歲兒子剛升中一，長大了不少，雖然功課多了很多，但也會自己安排：「我好安慰，佢比細個嘅時候定性啲，會規劃好自己嘅schedule，佢企理過我，似Daddy。」楊千嬅又大讚兒子同學間的氛圍很好，令兒子會想做得更好，又透露他希望暫時嘗試留在上海讀書，看到底是否適合。
問到Torres是否有女友，楊千嬅即說：「有都唔講，唔好話係女朋友，就算係朋友，你都唔會第一時間話畀你阿媽知。（與你討論女同學？）佢同我討論地理，我梗係唔識啦，咁咪話題完結，叫你唔好問囉。」至於會否讓囝囝拍拖，楊千嬅則表示：「我諗佢未跳到嗰個階段，而家佢首先有自己社交圈子 ，同學之間有好多話題討論，談天說地我哋控制唔到。互聯網咁發達，佢哋想知嘅嘢我哋阻止唔到，我只能夠做嘅係幫佢分析邊啲係正確，邊啲有問題又或者係未適合佢聽。」
提到楊千嬅早前被網民野生捕獲，被邀請合照時叫對方低調一點，楊千嬅就自言自己一向低調，又指若在街上遇到她，被邀請影合照也沒有所謂：「我鍾意你走埋嚟同我影相，反而唔知喺邊度影我，就會覺得唔係好舒服，因為唔靚吖嘛，出嚟有手尾跟。」
【其他文章】：
76歲陳寶珠優雅銀髮族Look賀仙姐生日 梅雪詩患惡疾暴瘦30磅激罕露面
楊千嬅孭Hermès湛江街邊沖咖啡 多名工作人員包圍似女皇出巡
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
