一隻走失的鸚鵡懷疑慌不擇路，於一輛行駛中的64K線巴士上層車頭窗外左騰右騰，網民見到其苦況後身同感受，痛心地指「牠應該很驚」。
網上流傳的鸚鵡歷險短片長約6秒，樓主以「林村有無人走失鸚鵡，佢上咗64K」為題在facebook上載短片，見鸚鵡一臉茫然地在上層左邊車頭左左右右的站著，顯得相當無助。
走失鸚鵡搭巴士逐格睇↓↓↓↓＋ 網民憂心回應↓↓↓↓
一臉茫然窗外左騰右騰
有網民替鸚鵡代言，稱「嚇死寶寶今次」，並指「好危險」、「嚇死佢了」、「佢已經好驚，是否已經有人救咗佢？」、「請幫忙盡量救起先」、「希望佢飛入屋畀人捉到啦」、「希望佢落咗地附近有人救起到佢」。
走失鸚鵡搭巴士逐格睇↓↓↓↓＋ 網民憂心回應↓↓↓↓
有網民更加詳細地指出，「個畫面係幾卡通化，其實係好陰公㗎～寵物鸚鵡係戶外有好多天敵，野外求生完全冇經驗......加上而家跟巴士離開原住區，主人更加難搵到佢......佢飛去巴士大概係因為見到有人，因為純化咗嘅鸚鵡會比較黏人～」；有人則如夢初醒地指「唔怪得有時見啲人唔見鸚鵡，唔喺附近搵返，而係好遠搵返，原來佢地識搭車」。
樓主：康樂園站飛走咗
樓主與網民都熱心為鸚鵡尋回主人，樓主指鸚鵡在「康樂園站飛走咗」。而網上其中一則尋鸚鵡啟示指：
代po尋彩虹吸蜜#尋鸚鵡
叫 #Baby仔
走失地點 #林村
走失時間: 9月25號
有腳環！
【紅色咀，灰鼻哥】
如有發現請聯絡xxxxxxxx感激！！
走失鸚鵡搭巴士逐格睇↓↓↓↓＋ 網民憂心回應↓↓↓↓
網民苦中作樂：鸚鵡搭霸王車
另有網民因應搭上64K巴士而苦中作樂，笑鸚鵡「有冇畀到車錢」、「搭霸王車」，有人則回應「似乎在車窗外，無上車廂裏，所以應該不用付款啦！」、「佢諗住搭順風車啫」。
還有人表示「可能剪咗翼，飛唔到遠，所以長途要搭巴士，鸚鵡真係好聰明」、「佢可能想去康樂園搵friend（朋友）」、「小鸚鵡走天涯- 出城系列」，並提醒鸚鵡「請緊握扶手」和代言「可唔可以幫我撳一撳鐘？ 我下站落」。
走失鸚鵡搭巴士逐格睇↓↓↓↓＋ 網民憂心回應↓↓↓↓
64K大埔墟站往來元朗（西）
64K大埔墟站往來元朗（西），全程行車里數約22公里，行車時間約83分鐘。以由大埔墟站巴士總站開出計算，經過大埔墟街市、大埔寶鄉街、廣福道轉車站 - 寶鄉橋（B3月台）、大埔安祥路、大埔安慈路、太和廣場、帝欣苑，才到康樂園。
帖文來源：大埔 TAI PO
鸚鵡相關新聞：
小黃鴨棉花糖一夜暴瘦竟變「這樣」 網民爆笑：進化鳥（附棉花糖兩日不變形妙法）
有網民興高采烈買來可愛鴨鴨棉花糖卻捨不得吃，隔天一看即嚇一跳，將一夜暴瘦的鴨鴨對比照上載至facebook分享，台灣網民即爆笑連連，被瘦成這樣的鴨鴨笑死，且異口同聲指樣子眼熟，像鸚鵡也像憤怒鳥，也像早前在香港漏氣的黃鴨。另有人提供棉花糖老闆教落能保存兩日不變形的妙法。
小黃鴨一夜暴瘦逐張睇 ＋ 網民爆笑回應↓↓↓↓
網民：自動變成容易入口狀態
鴨鴨棉花糖一夜暴瘦，網民大肆調侃，指「從鴨變成鳥」、「黃色小鴨變鸚鵡」、「瞬間被瘦身」、「變瘦了～」、「瘦成這樣！笑死我了」、「超好笑...」、「可愛鴨變憤怒鳥了」、「瘦身成功」。
有人與「憤怒鳥那隻三角形的」配對起來，並指棉花糖「已經自己改變成容易入口的狀態了」。還有人感性地醒覺「愛要及時！」。
小黃鴨一夜暴瘦逐張睇 ＋ 網民爆笑回應↓↓↓↓
內容詳情請看↓↓↓↓
原文詳見：小黃鴨棉花糖一夜暴瘦竟變「這樣」 網民爆笑：進化鳥（附棉花糖兩日不變形妙法）
情急下手繪啟示 好心網民晒畫功助尋鸚鵡主人
飛甩鸚鵡匿尚德邨天橋邊 網民同情心大爆發：救起佢先
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
