40歲吳浩康（Deep）最近去年3月郭思琳（Margiela）閃婚，今年9月底誕下兒子「撑撑」，浪子回頭的吳浩康亦變成「顧家男」，一家三口生活得很開心！但日前突然傳出兩人婚變消息，郭思琳在IG鬧爆老公兼自爆分房瞓，郭思琳昨晚在IG限時動態留言：「唔好意思令大家失望了。」
【相關閱讀】：吳浩康疑似婚變老婆中秋拖喼離家出走？ 郭思琳自揭已分房瞓一年
【點擊睇郭思琳出PO講婚變】：
鬧出離婚風波的郭思琳，昨日在IG限時動態解畫，坦言誤會全因兒子一時錯手：「從來無諗住要公開去話自己老公，只諗住DM話畀佢知老婆有咩不滿啫，多謝撑撑嘅一時錯手，令到咁大個誤會出咗嚟。」郭思琳稱發現時已經即時刪除，但都不及傳媒快手，她還說：「夫妻之間難免有摩擦，我哋都唔例外，但我唔明點解會吹到我離家出走？如果離家出走點解要拎埋蛋糕走？」郭思琳更說：「唔好意思，令大家失望了，我同我先生仲未離婚，亦都無諗過要離婚#大家無需擔心#我們很好」最後當然不忘為老公宣傳，表示若果大家關注吳浩康，可以看他的社交平台，關注他一直也沒有放棄音樂。
出PO鬧爆吳浩康唔影全家福
事緣在中秋節當晚，郭思琳在IG揞名鬧爆吳浩康：「先唔講就你改期，再幫你安排埋服裝，乜都安排晒，一句話唔影就唔影，個仔一歲影張全家福都咁辛苦你，咁以後嘅節日你都唔好出席，包括今晚中秋。我永遠都會記得前面孭住個仔，右邊一個喼一個袋，左手拎住蛋糕再拖住隻狗嘅情景。」不過郭思琳其後接受傳媒訪問，表示與吳浩康「冇事」，又否認離家出走，只是去影樓影相，「拎咗好多嘢啫」。不過郭思琳也表示做新手媽媽好辛苦，更與老公因為囝囝的關係而分房瞓起過一年，指囝囝成日踢腳，令吳浩康冇覺好瞓，她亦認為分房瞓不一定會影響感情。
【其他文章】：
吳浩康太太公開20小時產子過程全曝光 催生17小時失敗郭思琳含淚開刀
吳浩康囝囝愈大愈似爸爸 一家三口豪華露營 一句說話得罪老婆郭思琳遭黑臉
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
