尹光爆舊史曾勁嬲葉子楣:嗰陣死忍， 縱橫歌壇68年大爆娛圈潛規則。
Previous Next

3個月前「AI尹光」Cover姜濤的《Dear My Friend,》及林家謙《一人之境》等歌曲成為全城熱話，79歲尹光突然翻紅更被封「光B」，收入激增8倍以上，更帶挈他重返闊別14年的紅館，於11月4日舉行《尹光WAN K.宇宙巡邏演唱會》，下年80歲(按當事人透露)生日更打算搞慈善Show回饋社會。見證香港樂壇興衰，屹立不倒多年的尹光大爆娛圈潛規則，又開心分享3大襟撈秘技，邊一個行業都啱用，再自揭收埋多年嘅「小器簿」。採訪：方騫平 攝影：鄧國良

「AI尹光」令年青一輩認識尹光，「光B」笑言聽歌當然要聽真人發聲。
「AI尹光」令年青一輩認識尹光，「光B」笑言聽歌當然要聽真人發聲。
尹光親自透露原來明年經已80歲。
尹光親自透露原來明年經已80歲。
80歲嘅尹光真係Keep得好fit。
80歲嘅尹光真係Keep得好fit。
尹光明年會舉行慈善粵劇騷回饋社會。
尹光明年會舉行慈善粵劇騷回饋社會。
光b好可愛呀。
光b好可愛呀。
尹光心境仲好年輕。
尹光心境仲好年輕。

1991年，當年酒廊及夜總會式微，「廟街王子」尹光一年登上3次紅館開個唱，創下佳績，令打算轉行的他起死回生。18年後，再舉行《2009爆金爛演唱會》，連尹光都估唔到，時至今日獲AI再推上紅館。今次除會選唱首本名曲《少理阿爸》、《雪姑七友》、《荷里活》、《數波波》等外，還會演繹「AI尹光」唱過嘅歌及首次演繹冧歌《Dear Myself》。至於可會請埋姜濤做嘉賓？尹光堅持交由主辦方特高娛樂負責，因為他朋友太多不便參與。

「AI尹光」Cover林家謙《一人之境》成為熱話。
「AI尹光」Cover林家謙《一人之境》成為熱話。
「AI尹光」Cover姜濤的《Dear My Friend,》。
「AI尹光」Cover姜濤的《Dear My Friend,》。
1991年尹光一年登上3次紅館開個唱，創下佳績。
1991年尹光一年登上3次紅館開個唱，創下佳績。
尹光融入年青人世界，2009年《尹光爆金爛演唱會》已搵農夫做嘉賓。
尹光融入年青人世界，2009年《尹光爆金爛演唱會》已搵農夫做嘉賓。
一身Barbie shocking pink西裝的尹光，相隔14年再挑戰紅館。
一身Barbie shocking pink西裝的尹光，相隔14年再挑戰紅館。
演唱會好有創意。
演唱會好有創意。

 

環星老闆張國林安排光哥處男演繹冧歌《Dear Myself》。
環星老闆張國林安排光哥處男演繹冧歌《Dear Myself》。
尹光交由主辦方邀請表演嘉賓，唔知姜B有冇份呢？
尹光交由主辦方邀請表演嘉賓，唔知姜B有冇份呢？
觀眾都想林家謙做嘉賓。
觀眾都想林家謙做嘉賓。
尹光努力練習二胡版嘅《Dear My Friend,》。
尹光努力練習二胡版嘅《Dear My Friend,》。
尹光同年輕藝人好玩得埋。
尹光同年輕藝人好玩得埋。

搞慈善粵曲個唱賀大壽

尹光諧趣歌曲風格無可取代，雖然「獨市」，但曾賭錢輸身家，每月跑數的他依然抱住天跌落嚟當被冚態度，只要有工開就唔怕冇錢還，直至1984年開始戒賭及儲錢。尹光目前乘勢狂接廣告，坦言連坐喺度拍兩吓掌聲都有錢收，追問係咪搵好多？他即敏感收口：「唔講錢，錢多少唔係問題，𠵱家最重要身體健康，我唔會餓死，好一餐；唔好又一餐。趁明年80歲生日，搞慈善粵曲演唱會，扣除一啲拍膊頭開支，一個仙都唔收全數捐晒出去，回饋社會，亦永不言休。」

原來尹光明年迎來80大壽，打算搞慈善粵曲個唱回饋社會。
原來尹光明年迎來80大壽，打算搞慈善粵曲個唱回饋社會。
早年尹光偕太太李麗儀拍住上登台，一晚走多場還賭債。
早年尹光偕太太李麗儀拍住上登台，一晚走多場還賭債。
趁明年80歲生日，尹光打算搞慈善粵曲演唱會。
趁明年80歲生日，尹光打算搞慈善粵曲演唱會。
最近尹光工作量激增8倍。
最近尹光工作量激增8倍。

歌星越界交友只會變𤓓

唱足68年，好有經歷的尹光勇於分享人生大道理及娛圈潛規則：「呢行人氣相當重要，去到呢級不能爬上嗰級，一線歌星會有一線歌星班Friend，唔會同2、3線歌星玩，因為『我名咁大點會同你玩！』正如有錢人有上流社會朋友，窮人有窮人圈子，好正路。雖然有啲人口講話乜都得，但未到嗰個位唔會知係點，好似啲人話中咗六合彩會分錢畀人，因為未有嘛，做咗皇帝就想升仙啦…不過，我好肯定唔會咁樣對人，因為我只係一個唱歌搵食嘅普通人，任何人叫我合照都得。」

尹光自言唔係明星，作為普通人個個都可以跟他合照。
尹光自言唔係明星，作為普通人個個都可以跟他合照。
好識玩social media嘅尹光配合首本名曲，入主題公園尋找雪姑七友。
好識玩social media嘅尹光配合首本名曲，入主題公園尋找雪姑七友。

細歌星食得鹹魚抵得渴

自言睇化晒嘅尹光仲寄語後輩要忍得：「尤其細歌星要食得鹹魚抵得渴，鬼叫個名唔夠人哋大咩！」尹光再自揭收埋心底多年嘅「小器簿」，稱當年舉行演唱會記招，明明自己係主角，受訪中段記者竟跑晒過去搵剛到場嘅「波霸」嘉賓葉子楣，受冷待的他勁冇癮：「嗰日好心酸，連主角都要企埋一邊係會介意嘅，但都要忍呀！咁人哋係『波霸』咁有名，我『數波波』都有排數啦。」尹光坦言同行如敵國，唔抵得人哋紅過自己，唔忍得係好戇居嘅事，「不過，𠵱家唔會再爭風呷醋，因為我個位置冇人攝得到，全港歌手冇人唱我啲歌，如我喺日本就係政府包養嘅國寶，所以你鍾意點就點，最重要行得、食得、走得，開開心心就算，我同葉子楣反而做咗朋友，不時會相約食飯。」另外，呢行信用好重要，他唱歌多年敬業樂業，有早冇遲，會落力記好歌詞。

尹光曾不忿在個唱記招中被嘉賓葉子楣搶晒風頭，嬲足多年。
尹光曾不忿在個唱記招中被嘉賓葉子楣搶晒風頭，嬲足多年。
多年來尹光諧趣音樂風格無人能取代。
多年來尹光諧趣音樂風格無人能取代。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ