青衣長青邨巴士總站對開，今（18日）早上10時57分，一部客貨車沿青衣青康路行駛，駛至長青邨巴士總站對開，疑失控剷上路中分隔石壆，越過對面線，此時一部載客九巴由長康邨駛出落斜，客貨車越線猛撼九巴右車頭後當場翻側。
53歲男司機及56歲男乘客被困，消防接報趕赴現場將2人救出，其中男乘客重傷送院不治。而九巴擋風玻璃爆裂，60歲車長亦受傷，同送院救治。該名輕型貨車司機未能通過快速口腔液測試，涉嫌毒後駕駛及危險駕駛引致他人死亡被捕，現正被扣留調查，新界南總區交通部特別調查隊正跟進調查案件。
警方呼籲任何人如目睹意外發生或有資料提供，請致電3661 1348或3661 1346與調查人員聯絡。
肇事客貨車屬一間速遞公司，運送大批「學校體育推廣計劃」的參加表格，該計劃由康文署主辦，教育局協辦。由於貨車在意外中翻側，倒出大量參加表格的紙張，遍地皆是。
九巴乘客:聽到bomb一聲就見架貨van打橫瞓低咗喺度
九巴乘客趙先生憶述意外一刻表示，「」我企喺傷殘位，聽到bomb一聲，跣一跣之後一望就見架貨van打橫瞓低咗喺度，當時車內秩序還可以，（巴士）玻璃喺前面飛埋嚟，前面冇乘客。當時我掛住落車同報警，見到van仔司機救出嚟，我自己擦傷吓，冇乜嘢。」
趙又稱，「當時我返屋企途中，目的地係荃灣西，巴士車速唔會快，啱啱停完站開車。我個人估計可能van仔小小快，撞擊力都大，發出巨響，當時大家（乘客）一時反應唔到，見有玻璃飛晒出嚟，大家都落車走。」
另一名坐上層的乘客黃先生表示，他指意外後怕留在車內有危險，便即刻衝落車。當時巴士乘客不多，他估計約20多30人，落車時亦不混亂。肇事巴士為九巴43號路線，由青衣長康二期開出，當時剛由巴士站左轉出來，就與客貨車相撞。他形容「碰撞聲響得好犀利，隆然巨響，有個人落車時手有血，我哋落車時叫車長開門，佢都開到門畀我哋。」
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
