網購衣服無法摸質地，又不能試穿，網民中伏經驗豐富。有人妻早前在facebook發帖講述替丈夫買衫的失敗經驗，好氣又好笑，網民於是挺身教授3招網上買衫褲不踩雷的「必勝」大法。
樓主上載店家原圖與丈夫穿新衣的對比照發帖，指「笑到我起唔到身。已經買2XL（2加大碼）都係咁，如果係S（細碼），係咪俾細路仔著呢」。
網民傾囊相授網購衣服不踩雷大法↓↓↓↓
網民眼尖：同花唔同款
看著兩張照片，網民眼睛雪亮，一針見血地指「版形唔同嘅」、「同花唔同款」、「成件衫唔同款」、「cutting（剪裁）完全唔同，只係布料類似，都唔係同一款衫」、「買幾大件都唔會似，個cutting睇落都唔一樣」、「好明顯。模特兒是女的或是超瘦男生，那麼男生穿碼數肯定不一樣吧」，於是有人好心地建議「試下寒背插袋，加幾分想象力就多幾分似」。
而透過「圖搵圖」的方式，樓主同款的破洞風補丁花格子布料，原來還造出了長袖款、恤衫款，甚至短褲款，以至黑色任君選擇。
網民傾囊相授網購衣服不踩雷大法↓↓↓↓
網民從失敗中學習
在網上買衫買極唔啱身，引起從失敗中學習的網民共鳴，大呻「佢哋啲碼唔知點解咁鬼細」、「我試過買過一件衫，同張A科紙咁嘅size，細件到幼稚園bb班都未必著到！激死我！」。
有網民接著指，「都正常㗎喇，人哋2XL俾啲瘦到營養不良咁樣著嚟展示 ，你身型著上咪感覺緊啲，但都幾好睇丫」，並笑稱「大有大著，少有小穿，記住千祈唔好唔穿」，獲樓主回應指「所以老公都有繼續著」。
網購衫褲3招不踩雷妙法↓↓↓↓
網購衫褲經驗豐富的熟客仔，於是傳授3招不踩雷的購買妙法：
網購衣服不踩雷第一招——買大幾個碼↓↓↓↓
•「要買大3、4個碼」、
•「普通身型要買4XL，2XL係fit size（合身）」、
網民其他心得見下圖↓↓↓↓
•「係㗎，我通常買衫係買大2個碼數」、
•「呢個真。試過買條裙，中碼仲細過XS（加細碼）」、
•「外國L（大碼）和國內L是不同。通常有幾大買幾大」、
•「建議買呢d衫或t-恤都是3XL、4XL先似香港XL」。
網購衣服不踩雷第二招——要睇尺碼表↓↓↓↓
•「通常有尺寸表就睇下咩size，沒有顯示尺碼表就不買，費事瀨嘢。唔貴的話買過件同款4加大（4XL）都靚嘅」、
網民其他心得見下圖↓↓↓↓
•「親，你有看尺寸資料嗎？」、
•「你有冇睇番尺寸？睇尺寸會安全些少」、
•「要睇尺寸，佢哋啲碼數好跳脫」、
•「睇尺寸表，列明幾多cm果啲較穩陣」、
•「根據尺碼表，選5XL就有oversized（超大）嘅效果」。
網購衣服不踩雷第三招——要睇埋買家秀↓↓↓↓
•「買衫一定睇買家post出嚟嘅相」、
•「通常要睇埋『買家秀』，圖片只供參考」。
有網民則知機地表明，「冇列明幾多cm，一律唔買」；還有人估計「佢哋有時冇車XXL size嘅衫褲，就求其一有人買，佢要咩size就車個咩size個嘜落去！」。另有網民附圖笑說「件衫令我諗起金縷玉衣」，並搞笑地學著店家口脗回應：「親，不影響使用的話，看看這邊賠2元給你，看你可否接受」。
網民傾囊相授網購衣服不踩雷大法↓↓↓↓
帖文來源：facebook「淘寶開心share」
網購相關新聞：
淘寶筆記簿現粉紅唇印 網民：最值錢就係個唇印
港女淘寶拒付40元逾期取貨費 惡人先告狀報警被斥無理取鬧
每3日淘寶買日用品斥本地商家食水深 港女：洗咗唔少冤枉錢
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
