巴士椅子下一個晶瑩剔透的膠袋，盛了半袋琥珀色液體，在燈光映照下閃出異樣光芒。心照不宣的網民總是往好處去想，啤酒、忌廉汽水、生油、魚露、蘋果汁、菊花茶、黃色藥水，甚至低糖綠茶等等黃色液體都想了個遍。結果，還是有人直截了當地猜——尿。
巴士凳底膠袋盛黃色液體逐張睇 ＋ 網民心驚驚回應↓↓↓↓
網民：泰式忌廉
樓主日前以「剛上62X（線巴士）見到，唔想知咩嚟，立即調位......」為題，在facebook專頁「屯門公路塞車關注組」上載一近一遠的照片。
最多回應的網民說是啤酒，而且是熱啤酒；又由於黃色液體以膠袋盛載，網民想起了泰式飲品，指可能是「泰式忌廉」、「現制啤酒，泰國興用膠袋」。鑑於62X巴士線往來屯門兆康站（南）及油塘鯉魚門邨，這袋液體被網民冠以「屯公特飲」、「冷壓屯公特飲」稱號。
巴士凳底膠袋盛黃色液體逐張睇 ＋ 網民心驚驚回應↓↓↓↓
網民：塞車＋急真係好難忍
有人似乎略懂醫理，從液體顏色得出「有啲熱氣」的結論。網民於是面對現實，正視問題，指「好急下喎咁大袋」、「 係，塞車＋急真係好難忍」。
雖然有人指「識用喎，呢啲袋隔氣味過普通膠袋」、「今日冇水樽，轉咗膠袋？」、「咁好手尾包實嘅？」、「算有公德心」、「如何咁好手尾包實」、「幾有公德」。但放低幾両始終影響他人，有網民怒指「屙完尿唔拎走，每月都生花柳」、「仲要搵個咁靚嘅袋入起，點解唔掉埋呢」、「急你冇辦法，但係拎返袋嘢走呀大佬」、「真～有時長途車＋塞車＋急真係好難忍，但真係麻煩自己垃圾自己執」。
巴士凳底膠袋盛黃色液體逐張睇 ＋ 網民心驚驚回應↓↓↓↓
網民：摸吓係咪仲暖
接著有人指一不小心「放大咗嚟睇添」，有人更跳皮地建議「踩爆佢」，並查問「有冇摸吓係咪仲暖？」。有網民則正義地提到「以前都見過巴士司機去到站頭，由上層拎住一袋類似嘅嘢落嚟掉落垃圾桶」；另有人建議「執到嘢就交俾車長」、「post去失物谷」。
最後，有人語帶相關地稱「人帶尿袋佢帶尿袋，佢個尿袋好大個」，並形容為「10000mah外置尿袋」，相信「留返塞車個陣叉iPhone，咁大應該可以叉幾次」。
排洩物遺巴士相關新聞：
巴士座椅遺泥漿式糞便 網民掩鼻扮鎮定：朱古力曲奇餅啫
巴士乘客「瀨屎」車廂驚遺一大坨糞 網民：最勁冇人覺得有問題照坐
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
