炎明熹（Gigi）、林奕匡、露雲娜及鄭俊弘等今日（23日）到港台出席《香江暖流》至愛陳百強30年紀念特輯錄影，而陳百強的的表妹玲玲及哥哥陳百靈亦有出席。炎明熹打頭陣獻唱陳百強的經典歌曲《念親恩》及與眾人合唱《一生何求》。
【相關文章】：陳百強逝世30年丨一文睇清六大紀念陳百強節目兼活動！歌迷懷緬偶像：永遠是深愛的回憶
【點擊睇陳百強逝世30周年港台紀念特輯錄影】：
炎明熹指第一次聽陳百強的歌曲是《等》，覺得無論是歌詞和音樂也很好，更指是否在等人也會想起這首歌，另外印象最深則是《漣漪》：「同《明星》一樣，聽到前奏、未有人聲就已經想喊。」提到剛才唱《一生何求》時很多人入錯key，炎明熹指可能因歌曲改編過，因收到歌曲不久，事前大家也沒有綵排所致，不過《念親恩》因之前曾在內地表演過，所以自己不需練太久。
炎明熹演唱會補場最快在下年
炎明熹首次個人演唱會早前因颱風關係取消了一場，炎明熹表示稍後將會補場，但時間最快也要等到下年：「12月第一次考試，好緊張，都希望有多啲時間去溫書，所以我諗最快都要下年先。（補場之外順便開多幾場？）啊！我會加油，我都希望可以開多啲俾大家睇，但希望佢自己有能力嘅時候做，如果唔係就好似嘥咗大家時間。」炎明熹又透露完成香港演唱會後有機會巡迴到澳門或廣州，問到會否返回家鄉汕尾開騷？她說：「希望有機會，但暫時未聽到有消息，咁屋企人就唔使長途跋涉咁坐車過嚟，我記得嫲嫲上次都有嚟，不過我喺舞台上見唔到佢，如果唔係我會用鶴佬話同佢打招呼。」
林奕匡演唱時耳機出問題
林奕匡獻唱《等》、《深愛著你》，不過他指唱時耳機突然出問題，幸好是錄影可再唱多次，之後到《一生何求》又因改編了不習慣而有甩漏，他坦言唱這些經典的歌曲有一定壓力，又指到現在才真正留意歌詞：「以前唔識睇中文，隨口咁唱，因為呢個表演細心睇返啲歌詞，發現原來啲詞寫得好靚，又發現以前唱錯歌詞，所以今次都特別留意番。」
鄭俊弘想唱歌給囝囝聽
鄭俊弘表示因媽媽喜歡陳百強，故從小便開始聽對方的歌，自己最喜歡就是《深愛著你》和《等》，不過就未試過唱這些歌追女仔，但現時就想唱給囝囝聽：「我今日會唱《有了你》，唱到「見少一秒都空虛」，就好似見少阿仔一秒都空虛。」他指因老婆何雁詩與自己想法應該也一樣，所以不怕老婆呷醋。
鄭俊弘又指現時兩公婆外出工作，囝囝由婆婆嫲嫲湊，令他們更安心，問到是否會怕兩老縱壞囝囝？他表示一定會，可能到他長大後自己對他的態度要更強硬， 又笑言因昨天工作很忙很晚返家，感覺囝囝有點嬲而不理他，之後要跟他玩一陣才沒事。問到他何時跟老婆追多個？他說：「佢而家又做主持又做亞運啱啱又出歌，生仔最少要兩年，等佢ready先。」
【其他文章】：
陳百強逝世30周年丨胞兄陳百靈陳百良為音樂大賽任評判 讚參賽者唱陳百強歌曲超水準
炎明熹演唱會丨為尾場延期令fans失望不開心 承諾下一次開騷做得更加好
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
