不少人由學生哥讀書時買文具，到為人父母後替子女添置文具，甚至老來給孫兒送文具，人生走了一個大循環，也無法搞清這塊立體平行四邊形雙頭砂膠的真正用法，印象最深刻的集體回憶就是擦原子筆痕時擦爛紙。
網民簡單一句回應——「我到現在都不明白佢嘅用處係乜……」，反映了不少用家的心聲，於是有人的起心肝在facebook提問「其實係點用」，才解開多年來的疑團，原來這塊砂膠是這麼用的......；另有網民根據砂膠的屬性從善如流，創出其他更實用的使用法方，成為好使好用的「萬能膠」。
砂膠用途逐張睇↓↓↓↓＋ 網民恍然大悟回應↓↓↓↓
根據知情網民的回覆，砂膠其實是這樣用的↓↓↓↓
•「為咗擦爛張紙」、
•「擦紙膠梗係用嚟擦紙」、
•「其實摩走紙張的表面，並非擦走原子筆所寫的字」、
•「正確用途係用來擦粗硬紙質的鉛筆跡，唔係用來擦原子筆㗎」、
•「啱一半，正確應該係擦走粗糙物質表面嘅鉛筆跡，例如木頭」、
•「就係用嚟擦爛張紙嘅表面，然後再喺上面寫嘢，要張紙厚加埋就住道力嚟擦，仲要你支筆啲墨唔滲透喺張紙，所以呢舊嘢好難用」、
有人接著細問「其實橙色和藍色有無分別？」，獲回覆是「擦不同質地」。
砂膠用途逐張睇↓↓↓↓＋ 網民恍然大悟回應↓↓↓↓
另有人從善如流，細說善用砂膠的其他方法↓↓↓↓
•「擦鞋用」、
•「當砂紙咁用」、
•「用來清潔充電線」、
•「細個用嚟擦白飯魚、
•「模型擦平水口，非常好用」、
•「拎嚟輕輕咁擦麂皮鞋面其實幾好用」、
•「佢嘅真正用途係要嚟擦走拉絲網錶帶上嘅花痕」、
•「識用係當木工砂紙咁用，輕力平滑磨走表面，而唔係大大力捽，但我而家先至識」。
另有人從善如流，細說善用砂膠的其他方法↓↓↓↓
網民開拓新商機
於是有具商業頭腦的網民提出建議——「可以拓展下新市場：例如金屬觸點氧化清潔，不鏽鋼拉絲紋理的劃痕修復（尤其是裝飾品和鋼筆外殼），光滑表面上磨出劃痕增加膠水黏合力，塑膠模型造型打磨，傢俱防滑腳墊，都比做擦膠有『錢』途」。
砂膠用途逐張睇↓↓↓↓＋ 網民恍然大悟回應↓↓↓↓
有人更坦言「小時候不懂，長大後就很感激發明它的人，上班寫文件不可以用塗改液，寫錯就偷偷擦掉再寫」。
說起小時候，網民都因為這塊砂膠而勾起不少童年回憶↓↓↓↓
•「上課無聊時擦乾淨枱面」、
•「為咗擦爛啲測驗成績，安全簽名用」、
•「最鍾意用佢嚟擦前面座位同學嘅『後尾枕』」、
•「我曾經打橫切一半，看看中間那道白色的膠是不是整層都有」。
有人更笑說砂膠其實是「磨皮界始祖」、「古人攞來擦竹簡」，並認為「睇到comment（評論）會笑嘅人已經出賣咗年齡」。
砂膠用途逐張睇↓↓↓↓＋ 網民恍然大悟回應↓↓↓↓
童年回憶相關新聞：
「26歲小朋友」搞麥當勞生日會 網民：其實好值得開心
IE瀏覽器步入歷史 網民緬懷：童年回憶
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
