有「最靚女主播」之稱的前nowTV主播丘靜雯（Nicole），昨日（29日）與男友阿楓舉行婚禮，朝早跟足傳統接新娘，穿上金光閃閃「褂后」出門的丘靜雯，配上身上金器讓人目不瑕給！下午丘靜雯舉行西式婚禮過後，晚上再舉行晚宴，前NowTV的新聞主播舊同事，還有《一線搜查》的宋熙年、林希靈、黃愷怡等到場祝賀。
【相關閱讀】：前主播丘靜雯結婚丨紅色貼身晚裝掛滿金器勁有貴氣 老公肉麻示愛許愛的承諾
【點擊睇丘靜雯父母】：
丘靜雯在晚宴上先以deep v婚紗入場，其後又換上鮮紅色貼身晚裝，掛滿金光閃閃的金器，夠晒喜慶。婚宴上除了老公阿楓向丘靜雯肉麻示愛外，丘靜雯亦在晚宴上致辭，感激父母多年來的照顧。丘靜雯在台上說：「首先要多謝我嘅父母，我屋企係普通基層家庭，要湊大兩個女，而加湊緊第三個仔，真係唔容易，多謝爸爸辛苦賺錢養家。好多人覺得我個人好tough（堅強），天跌落嚟當被冚，其實呢種咁硬淨嘅性格，我覺得係來自我媽媽。不過我同媽媽一樣，仲有個樣，生到餅印咁盡得真傳。」
多謝老公父母好有愛
丘靜雯亦在婚禮上多謝老公阿楓的父母：「都要多謝楓楓父母，生到個仔咁英俊瀟灑，溫柔體貼。好多時，楓楓仲細心過我，反而我係粗枝大葉個個，阿楓咁識得照顧人，一定係父母教導有方。我個人其實比較慢熱怕羞，人多聚會我會唔出聲，但其實我係好中意呢啲熱鬧嘅氣氛。次次去盧家食飯，一大班親戚，十幾二十人，大家都好歡迎我，我每次都覺得好開心。我諗，楓楓係咁充滿愛嘅環境長大，佢都覺得自己幸福。」
【點擊睇丘靜雯婚宴相】：
身為家中大家姐的丘靜雯，也提到妹妹和弟弟：「另外我好感恩我有一個妹妹，我覺得佢可能係世上最了解我嘅人，好多時唔需要講太多，佢就會知道我想表達啲咩，內心諗緊乜。仲有我細佬，雖然年紀上我地似母子多啲，我地平時成日打打鬧鬧，一齊打機，互鬧大家係豬隊友。我一直以為係我陪佢玩，氹細路。點知上年，我搬咗出嚟同楓住，我屋企人都唔知，第一日我喺巴士喊到豬頭咁，因為我唔捨得希希(細佬)。我知過多兩年你唔會想show我，但我唔會放棄纏住你。」
丘靜雯最後亦多謝其他親友：「契哥，雖然契媽契爺唔係到，但你唔係一個人。你同我地講過，真係當我地係妹，我地都係一樣當你係自己人。表弟康康，舅父婆婆黎唔到，但有你做代表，對我黎講意義重大，我真的很高興你能來。仲有好多好多親戚朋友，我好多謝你地出席。」
【點擊睇丘靜雯過大禮】：
【其他文章】：
前NowTV主播丘靜雯結婚！中式禮服出嫁獲健碩丈夫公主抱 藍天白雲下擁吻Sweet爆
