林卓廷等7人被控「721」參與暴動案，今（31日）區院續審。辯方盤問控方匿名證人A，指A曾向白衣人拍手鼓勵，A亦戴有白衣人用作身份記認的紅繩。A否認有鼓勵白衣人，但承認有拍掌，指「佢哋（白衣人）都係保衛自己家園……佢哋都係爭取返自己嘅野啫」，而戴紅繩是保護自己；辯方更一度指A是元朗白衣人的一份子，法官陳廣池向A作出警誡及提醒她有緘默權，A最終沒有回答。審訊明續。
辯方大律師黃錦娟盤問控方匿名證人女子A，播放元朗站內閉路電視片段，指A曾於站內向著白衣人一方拍手掌，問A是否覺得白衣人行動值得鼓勵。A一度表示「法官，呢個問題我唔想答。」，其後承認有拍掌，但稱並非與白衣人一夥，只不過她作為元朗市民，「睇到佢哋其實都係保衛自己家園……佢哋都係爭取返自己嘅野啫。」，又指「佢哋個形態係唔想人搞亂元朗，事實上好多區亂七八糟」。
黃續問到，白衣人有甚麼行為令A覺得是在保衛元朗。A稱網上有資訊。黃追問，A當時是否鼓勵白衣人。A強調自己無鼓勵意圖，她拍掌是因為「起碼成功趕走咗佢哋囉」、「趕走咗啲想入嚟元朗搗亂嘅人」，指該些人都穿黑衣和持傘；黃問到「白衣人打嗰啲人就係啱？」，A稱「佢地阻止啫……無話佢地打個啲人啱」。
黃向A播放一段鳳攸徑的影像片段，指當時有人遞紅繩給A。A稱「佢話你唔戴，打埋你」。黃問戴紅繩是否就等於白衣人一方，又指白衣人用紅繩作記認。A稱不知道，但「總之咁就安全」，她戴紅繩只是保護自己。
黃又播放一段當日元朗區內人士遊行片段，指拍攝到A叫口號「保衛元朗、保衛家園」。A稱「因為我係一個元朗居民，嗌保衛元朗無乜咁出奇……我市民身份嗌呢樣嘢有幾出奇」。
另外，A在黃盤問下承認，首次錄口供時稱林穿淺色上衣深色褲，事隔逾1年半後才更正為黑衣淺色褲，因當時情況混亂及看不清，聽朋友憶述後便改回口供。
被告為43歲林卓廷、35歲客戶服務員庾家豪、37歲陳永晞、31歲社工葉鑫昇、26歲廚師鄺浩林、48歲電器技工尹仲明、26歲楊朗，否認於2019年7月21日在港鐵元朗站大堂參與暴動。
法庭記者：王仁昌
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
