有倒楣港媽聘請到「極品」外傭，偷金器不特止，還以人權為理由堅持留長手指甲，最終懷疑刮傷半歲少主人眼肚；其他惡行還有讓3歲女童長期使用不清洗的發霉水樽、擅用護膚品、偷吃雪櫃食物、睡至黃朝百晏等9宗罪。
盛怒的港媽忍無可忍，日前在facebook群組上載相片，發文提醒「大家真係要睇路啦。呢個極品會喺14日出嚟搵新水魚，記住斷約勿請！仲要斷2次約+有偷嘢case（案件）喺身嘅更加要趕絕」。港媽還指「呢個極品28／7／2022入屋，做咗3個月，30／10／2022俾我發現佢偷金器報警拉咗」，繼而力數這名「極品」外傭的9宗罪↓↓↓↓
港媽力數「極品」外傭9宗罪逐張睇↓↓↓↓
網民：依家請工人真係恐怖
樓主在回應網民提問時透露，涉事的外傭來自菲律賓。網民認同對方為「極品」，提醒「記得入blacklist（黑名單）表」，「建議你請個香港人做兼職啦，不要因小失大」，並提到「依家請工人真係恐怖......一係啊借錢，一係偷嘢，一係就偷懶」。
網民還針對9宗罪作重點回應，指「有時寧願請新人，勞氣d教都好過呢d練精學懶。樓主講嘅其中一條我都炒得」。
網民齊聲怒罵回應↓↓↓↓
網民：你個仔都有人權 甲油味影響小朋友
回應的續民續稱，「咩都忍得慢慢教，個水樽果part（部分）同整到BB，我罵到佢飛起，唔認錯唔服嘅炒」、「你個仔都有人權，佢啲指甲油味會影響小朋友， 剪短指甲係衛生問題」、「見個水樽，你個女好慘仲要食咗2個月」。
有人力斥「佢真係好離譜，把BB眼都刮傷咗，再上d整親BB眼睛怎辦啊」、「特別係處理小朋友嘅問題，心痛死」。樓主於是回應稱「佢仲要大條道理話意外時時有，都係小小傷，唔洗太大反應」。
網民齊聲怒罵回應↓↓↓↓
網民自爆要求外傭洗手保衛生
接著有網民自爆家傭的問題，指「前排我個BB個肚位生咗粒好大嘅瘡，要入院麻醉放膿，後尾醫生種菌，話呢隻菌係掂完生肉／排泄物再接觸到小朋友嘅傷口入侵（應該係有蚊咬中果度）我都黑晒面叫姐姐唔好再hea我，捉佢去廁所洗手捉到佢驚（佢之前有次問佢有無洗，佢話無掂任何嘢），依家佢唔洗都整d水聲俾我聽，小朋友嘅生命就取決於佢手，加上我最後出院4萬幾，我特登拎張單俾佢望，唔出聲。嚇死佢」。
網民齊聲怒罵回應↓↓↓↓
外傭相關新聞：
港媽爆被菲傭騙了5年？「我們只是她計劃中的一環！」 待如家人送金飾結果竟是......
外傭爆櫃偷20萬金器典當 少主5000元利是錢都偷埋 下場係......
「萬能姐姐」圖文並茂教少主默書 港媽教路如何搵高質外傭
山頂廣場BB瞓地無人理 外傭玩成個鐘手機 途人勁嬲力數六宗罪
來港菲傭面試過程全曝光對話藏潛規則網民：太可憐
港媽訂「菲傭36條家規」惹嘩然日做14小時更有違法要求網民：揮着皮鞭奴隸主
港外傭68cm「終極棺材房」曝光驚藏「這樣」刻薄設計網民：看到想哭
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
