陳茵媺、周嘉洛、古佩玲等今日（4日）出席台慶劇《羅密歐與祝英台》宣傳活動，戲中一人演兩角的陳茵媺，表示最近劇情講述她以女裝示人，令不少粉絲及朋友感到驚訝，因為以為她會一直以男性打扮演出，又指曾經演繹一場情緒戲喊到好投入，就連整親手腳自己也不知，其中有場發洩戲扔東西，令她釋放情緒。
《羅密歐與祝英台》宣傳活動靚相：
陳茵媺說：「劇組同我講有三部機拍攝，如果陣間就算打爛鏡頭或整親佢哋，唔好講sorry！反而要繼續演，因為啲嘢爛咗無得補拍同連戲。呢場戲我可以發洩，復出拍戲都壓力大，無論工作、小朋友要兼顧，拍完呢場戲好舒服，發洩咗唔同嘢出嚟。」身穿露肩裝現身的陳茵媺，談到下次出席宣傳活動會否更性感亮相？她笑謂：「睇下點樣先！我平時著衫就做返自己，著返做媽咪嘅衫。」
周嘉洛則大讚陳茵媺在劇中一人演兩角表現得很好，就連劉丹也讚陳茵媺進步很多。而戲中扮演陳茵媺年青版的古佩玲，表示因對方一人演兩角，所以她也試過拍完男裝即轉女裝戲。
周嘉洛自嘲「肥Barbie」
提到在《愛·回家之開心速遞》以男扮女裝化身成粉紅Barbie，周嘉洛自嘲是很肥的Barbie，當記者指有網民覺得跟陳瀅撞樣時，他即謂：「點撞樣呀？唔係卦！我覺得唔似。（覺得自己扮Barbie靚唔靚？）麻麻哋，我覺得自己輪廓好男性化、好剛陽味。」談到他經常扮女人，他笑言成日被安排扮女人，每次拍女人戲也會唉聲嘆氣，相信觀眾睇到厭，他說：「咩都扮晒囉！可能未扮玉帛相見，所以覺得唔扮都係好，陳瀅靚好多、瘦好多！」
另外，提到最近拍攝《愛·回家之開心速遞》及新劇《再見．枕邊人》的鄭世豪，在社交網發文指自己好準時又習慣毫無怨言，但也被人屈要等他，周嘉洛和古佩玲均表示，跟鄭世豪在《愛·回家之開心速遞》中的角色是零交涉，周嘉洛說：「我相信有啲誤會，亦唔排除可能有呢啲咁嘅事，我自己好彩未遇過呢啲事。」
【其他文章】：
陳茵媺陳豪深圳湊仔搭地鐵 表現低調極貼地 北上陪老公拍劇帶三子女去溜冰
羅密歐與祝英台丨陳茵媺首與陳豪劇中同框對話 未發展感情線已有「親密互動」
羅密歐與祝英台丨周嘉洛連環被青樓女子生擒 與李漫芬「床上戲」笑料百出
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
