《新城勁爆頒獎禮2023》將於12月30日舉行，今年頒獎禮融入數碼創意，以「…正在生成」為主題，代表AI能夠生成無限的可能性，同時更首創「偶像合照 正在生成」AI遊戲，讓歌迷與歌手利用AI生成獨一無二的合照，拉近與偶像的距離。
【相關閱讀】：新城勁爆頒獎禮2023丨Gin Lee李幸倪曝光一照撞樣鄧小巧？ 華納唱片零歌手現身
【點擊睇AI即場生成全新「合照」】：
早前陳柏宇、馮允謙、王灝兒、炎明熹及泳兒等歌手試玩，由AI即場生成全新「合照」，展現出「…正在生成」的無限魅力。炎明熹對於現今科技的進步感到非常興奮，她認為AI能夠生成合照非常有趣且特別，炎明熹被問到最想與誰合照時，她說︰「我最想同外星人合照，原因就係『我是隨意揀一位』，所以就揀同外星人合照。」陳柏宇選擇與自己的AI人像合照，笑稱平常除了照鏡子外，很少有機會與自己「同框」，所以趁這個機會與自己「打個招呼」。當問及最想與誰合照時，陳柏宇說︰「我最想同成年嘅囡囡合照，好想知佢變成點嘅樣。雖然將來都可以同佢合照，但要以而家靚仔Look合照嘅話，就要靠AI嘅幫助至得。」
馮允謙試玩了AI生成合照後，立刻興奮地大喊「好得意」︰「我一直覺得AI好有趣，所以今次見到張AI生成相之後覺得好得意，一開始覺得唔似自己，但望望吓又覺得有啲似。皮膚變得黑黑實實，個樣又鬼鬼地，變咗好似外國版嘅Jay Fung。」當被問到最希望與誰合照時，馮允謙表示最想與30年後的自己合照並說︰「我想知道30年後嘅自己究竟會變成點。會變得好成熟？好肥？定係依然好靚仔？我仲想同30年後嘅自己Jam歌，叫佢畀啲建議我，點樣可以寫歌寫得好啲、快啲，我而家每逢寫歌都覺得好頭痛，好想可以向30年後嘅自己『偷師』。」
【點擊睇《新城勁爆頒獎禮2023》記者會】：
王灝兒（JW）則選擇與林家謙合成照片，原因竟然是以為可以看到他們的合成BB，王灝兒亦想與Rihanna和Beyoncé合照︰「因為我一直都好鍾意佢哋，喺佢哋身上得到好多靈感，即使直接飛去外國睇佢哋嘅Show，都唔可能同佢哋合照，所以如果AI可以幫到我，咁就可以願望成真嘞。」泳兒選了跟保錡合照，她笑指這讓她有種「重生」的感覺，泳兒亦被問到最想與誰合照，泳兒說︰「我最想可以同我未來老公合照，雖然我而家唔知係邊個，但憑張相就可以知道我未來老公係邊位。」泳兒這個想法很不錯，如果可以預先知道自己的另一半是誰，就可以早一步去了解對方。
【其他文章】：
新城頒獎禮2022｜欣宜再奪勁爆女歌手笑言覺得少少威 馮允謙明年或與女友結婚
新城頒獎禮2022｜ERROR奪勁爆組合 保錡獲勁爆新人獎自覺叻仔光宗耀祖
新城頒獎禮2022｜林家謙奪勁爆男歌手兼勁爆歌曲 望獲作詞人獎：是異想天開
新城頒獎禮2022｜After Class共奪5獎 炎明熹以女歌手獎為目標：要有明確方向
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
