TVB劇集《羅密歐與祝英台》將於下星期進入結局篇，陳茵媺、周嘉洛、游嘉欣、鄺潔楹、江美儀等，今日在屯門出席宣傳活動，吸引大批街坊圍觀，主角之一的周嘉洛及陳茵媺現身時，一眾街坊即時大叫，非常受歡迎。
【相關閱讀】：陳茵媺復出同老公保持距離 無法維持家庭工作平衡 難再夫妻檔演出
【點搫睇《羅密歐與祝英台》宣傳】：
陳茵媺結局請食飯
陳茵媺受訪時表示，對劇集進入結局周感不捨，因拍攝時經歷了很多挑戰，如打戲及Covid搞到要停廠等，她透露結局當日會用早前在遊戲節目中贏得的獎金約大家一起食飯睇電視，老公陳豪也會返港出席。提到陳豪於劇中經常被女錫，她笑指今次監制寫了很多錫戲給老公，笑言自己不看。記者笑指她也可以拍咀戲，陳茵媺猶豫地說：「入咗角色OK嘅，但陳茵媺就會尷尬，就好似玩遊戲節目有啲親密我都唔敢，會避。拍親熱戲仔女一定唔準，佢哋問係咪因為現實係兩夫婦，所以劇入面要錫？我話唔係，入咗角色嗰個唔係爸爸。」
問到要拍咀戲是否需要問老公，陳茵媺說：「佢都冇問我我做乜要問佢？我而家先知佢原來有咁多錫戲，不過好彩佢冇問，因為俾機會我嘅話我一定say no，但演員專業態度唔可以咁，有親熱戲，我哋係兩公婆見到當然會有唔舒服，我選擇唔睇，咁咪冇問題，但我都要尊重返我哋嘅職業。」
周嘉洛想摸家燕姐
周嘉洛今日聲線較沙啞，他表示因昨日幫招浩明做兄弟關係，問到是否有幫對方頂酒？他搞笑地說：「冇去到咁深厚友誼。」至於游嘉欣日前在社交網站貼出泳衣照，問到是否為劇集宣傳？她則指是之前去旅行時影，因天氣轉冷，再不貼就沒機會。問到周嘉洛是否有睇對方泳裝，他就突然自爆自己有幾個帳號看不同東西，更講笑話其中一個專門看游嘉欣的，又指每個人都有幾個帳號，自己亦另外有兩個，用來看時尚及操肌。
提到台慶，周嘉洛指會跟家燕姐一起表演跳舞，問到是否會有身體接觸？周嘉洛說：「冇，但我哋隻手指會好似羽毛咁喺佢前面揚，如果得嘅話會盡量摸。」他指至今與家燕姐排了兩次，自覺並不如家燕姐勁，更大讚對方有感染力。至於游嘉欣則指台慶會與周嘉洛以螢幕情侶身份亮相，周嘉洛透露因是56周年所以該環節將會有28對情侶。問到今次游嘉欣而不是陳瀅是否有新鮮感？他說：「我都畀自己新鮮到，（邊個好啲？）梗係游嘉欣，因為佢喺度。」
江美儀感情隨緣
江美儀在《羅密歐與祝英台》中演奸角，演技被網民大讚，她多謝網民外笑指可能劇中只有兩個奸角，所以較突出，又指無論做忠或奸也喜歡，最緊要是角色好。提到去年憑《下流上車族》成為視后後，江美儀好像很少拍劇機會，她聽後即說：「唔係冇乜，係冇！OK嘅，公司安排啦。（心急拍劇？）急都冇用，等個天安排，係你嘅自然會有。」
江美儀指雖然沒有劇，但慶幸自己早前接拍了劉偉強執導的電影《水餃皇后》，可以跟一班好演員合作，令她收獲豐富，問到感情是否也有收獲？她指沒有，感情方面隨緣，現時只有約食飯的對象，而她更即搞笑地反問記者是否有介紹？叫她找阿Bob時，江美儀說：「係喎，但佢呢輪賣骨灰位喎！」江美儀又笑言自己戀愛無分國界，雖然小時候也試過跟外國人一起，但還是覺得中國人比較啱傾。訪問期間，有年老女街坊突入，衝向江美儀要求合照，江美儀雖被嚇到，但她亦跟街坊先合照，更著對方下次不要這樣，因為很容易整親。
【其他文章】：
羅密歐與祝英台｜陳茵媺晒白滑靚膊性感現身 笑稱拍打戲可發洩：復出壓力大
羅密歐與祝英台丨陳茵媺大露背高衩萬聖節扮相勁搶鏡 劇透將與老公陳豪做一事
思家大戰丨陳茵媺自揭夫妻一舉動最少每日一次 順應要求冧嗌：I Love You Baby
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
