陳慧琳（Kelly）出席品牌活動，她已添置了大批秋冬服裝，Kelly表示平時所穿的服裝不算貴，反而歌衫價格高，幸而下月美加巡演的戰衣已獲品牌贊助，強調美加巡唱的歌衫毋需畀讓老公及兩子過目，若然未能過關就要借過衫仲煩：「之前澳門演唱會就獲品牌借出一條性感透視裙，在台上演出時都好擔心，不過老公同兩個仔冇意見。」Kelly更爆日常在家中穿着短褲時，囝囝卻要求她着返條長褲。
Kelly已添上大批冬裝。
陳慧琳衣著有品味。
Kelly嘅戰衣唔會畀老公及兩子過目。
Kelly要求衣著要有型。
澳門巡演時穿上性感透視裙。
今次美加巡演老公和兩個囝囝都會同行，一家四口可以度過白色聖誕：「囝囝好想食火雞，香港好少機會食到。（老公會否扮聖誕老人𠱁吓囝囝？）無啦！以前佢哋細個就會將禮物放入隻聖誕襪度，兩子其實都知道係爸爸擺入去，因為佢哋只會同爸爸講過想要啲乜嘢禮物。」
Kelly將會和家人到美加過聖誕節。
另外，黎明（Leon）近日在紅館開的個唱，破格地坐在台上唱快歌，Kelly笑言都想效發：「我覺得work喎！諗住嚟緊都走呢個路線，得閒揼幾吓，要我成個騷唱快歌都得！但要先練吓節奏感。（會否學黎明講金句？）打畀Leon，叫佢過幾招畀我。」
陳慧琳美加巡演有意學黎明坐低唱快歌。
黎明紅館個唱都有郁兩吓嘅。
黎明破格地坐低唱快歌。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
