「奶仔」方紹聰今日（24日）做隊長，夥拍伍富橋（伍富橋）、吳業坤及一位消防員朋友Ryan組成「 Gang Hike」行山隊伍 ，參加「樂施毅行者2023」。今日9時半四人準時於起步點北潭涌出發，出發前他們均認為狀態十分理想，並鐵定以28小時完成100公里為目標，抵達終點屯門。
【相關閱讀】：「億萬駙馬」伍富橋戴老婆Bra扮大隻美人魚？曾變旗袍美女獲大讚再冧妻
【點擊睇伍富橋吳業坤挑戰毅行者】：
奶仔已是第5年參加毅行者，今年做隊長帶領三名隊友參加活動，其中伍富橋更是第一次參與毅行者，而吳業坤則曾跟奶仔玩過一次。四人事前並無一起「操山」，只有奶仔、伍富橋以及吳業坤帶同坤嫂只操過一次。吳業坤之前參與過毅行，但今次特別興奮，因為終於能夠參與實體的賽事，希望能夠感受在山上同大家並肩作戰的感覺。
目標28小時完成賽事
毅行者路線全長100公里，圑隊目標28小時完成，身為隊長的奶仔就對每位成員都有信心：「我知道伍富橋有行過100公里山賽，吳業坤一直都很堅毅，上一次毅行都完成到呀，至於Ryan的體能就不容置疑。」被問及今次28小時會不會「太chur」，奶仔就話目標一定要設定，不過比起這個目標，四人一起完成更加重要：「其實set了28小時，有目標都係一個動力。」伍富橋認同說：「對於28小時呢個目標其實冇太大壓力，因為我會視作為動力多過壓力！」吳業坤就話以輕鬆的心情面對：「一定行得哂，越早完成，越多時間休息，養足精神再開工，呢個係我真正動力。」、「我哋今次要振夫綱！」
奶仔回想有一年毅行經驗，他說拍完劇即刻去行：「毅行者本身幾十個鐘冇瞓，但係嗰一年做完十幾個鐘頭，再即刻去行，即係計落去差唔多四十幾個鐘頭冇瞓過，其實嗰年係非常辛苦。」這個不堪回首的經歷，讓隊友包括Ryan預先在比賽前後請一日假，希望有充足的休息。
吳業坤勇猛拉爆襪
吳業坤為保持狀態，一星期前減少健身負重訓練，改為增加鍛鍊肌耐力，鬆弛肌肉。吳業坤出發前一星期都工作忙，被問及之前參興台慶，夠不夠休息？吳業坤話有盡量把握休息時間：「之前有參加毅行經驗，狀態應該沒問題。」吳業坤坦言自己「年紀大」，所以今次都著重遠足裝備。不過出發前出現一個小插曲，吳業坤對襪一穿即爆，令吳業坤超級無奈，奶仔說：「吳業坤好猛，能量爆燈，用力拉爆襪！」
為擁有最fit的狀態，奶仔、伍富橋、吳業坤以及Ryan今個星期主要食多點飯，補充碳水化合物，以及不時多點拉筋，出發後就不會那麼容易「抽筋」。至於伍富橋亦為了今次毅行相當認真，正在增肌的他除了刻意落磅減重，還在開工前或者收工後練跑，保持「作戰」狀態。
愛子行山勁過吳業坤
吳業坤出發前坦言太太會擔心：「究竟得唔得架？因為大家一齊都練得少。之前她也有跟我以及奶仔、富橋一齊行過見證過我的『能耐』。」坤嫂今日早上特刻意早起，細心地為吳業坤準備醒神早餐，檢查物品及裝備，打點一切。隊友早前調侃吳業坤：「坤嫂行山勁過吳業坤。」吳業坤就希望太太下年一齊同佢參加。
今次團隊後勤膳食供應由伍富橋太太負責，一早設計了總共11款的飯款供團隊選擇，包括日式咖喱雞肉漢堡扒飯、台式雞肉燥飯、鮮茄焗龍脷柳飯等等，還有可樂、生果及熱湯。按照計劃，伍富橋嫂的團隊於三個地點—北潭坳、獅子亭以及大帽山，提前等待他們來到，提供飲食叉電，讓他們補充能量。
伍富橋多謝愛妻付出
隊友們都好錫伍富橋老婆，以免阿嫂辛苦，他們基本上每一個補給點的餐單都是一樣，唯獨是伍富橋本人，太太就為他度身訂造與別不同的「出戰餐單」，點解有咁特別的待遇？伍富橋就解釋：「因為我對大部份食物敏感，調味料重一點我身體也接受不了，所以佢會特別煮畀我，如果唔係，跑嘅時候我一旦敏感發作，少則影響進度，嚴重可能有（性命）危險。」隊友完全理解，奶仔絕對支持伍富橋嫂的做法：「毅行者唔只係鬥速度，仲係要鬥『養生』，只要你有少少唔舒服就會好影響到。」伍富橋藉機會亦想好好感謝太太所做的一切：「太太不單止支持我鍾意做嘅事，仲要兩夫婦一齊以唔同嘅方式去做好一件為慈善嘅活動，令今次經歷會更加難忘。」奶仔再補充多一點：「時間關係，我哋『帶梳蕉』嚟到食嘢，食完就會閃人，留唔得耐，希望伍富橋嫂唔好介意。」
被問及伍富橋嫂的廚藝，奶仔坦白說他同Ryan還未試過，但「食好西」的吳業坤大讚，奶仔就說：「吳業坤對食有要求，我信吳業坤。」伍富橋還表示太太會為他們送上「驚喜」。這裡一直說的是廚藝或食物上的驚喜，奶仔突然「轉channel」說：「驚喜？介紹女仔朋友俾我識？話時話，我哋四個入邊，得我一個未結婚。我都有諗過過終點時，佢哋三位老婆都來接佢哋……」志同道合的另一半嘛，其他隊友都笑說他可以在出發後在山上搵，奶仔再笑道：「如果讀者你哋知道，歡迎過嚟終點接我，贈送奶仔擁抱一個。」
伍富橋健身室派人支援
奶仔做帶隊，點都會有所承擔，否則唔知點樣還返一個老公俾佢哋的另一半，所以沿路都會觀察著大家的狀況，互相鼓勁，目標盡量達成，但要以安全為目標，奶仔一直都希望隊友要關注自己的狀態：「我們說的『養生』，一有唔舒服真係要講，我經常同佢哋講，如果凍就即刻著衫，有甚麼不舒服比如鞋子入了石粒、腳上起了水泡等等，都要盡快去處理。」伍富橋再補充表示他所開設的健身室，派駐團隊在獅子亭standby，為有需要的隊員提供適切治理，保持最佳的狀態去完成比賽。
奶仔想約張致恒行山
至於有否想到完成比賽的狀態？吳業坤笑說一定好眼瞓：「所以早啲完成早啲返屋企休息，28小時的目標很不錯。」奶仔說努力了那麼多個小時後一定會筋疲力盡，很想睡覺：「看看情況，如果可以，都想同佢哋一齊食個飯或飲杯嘢先回家。」與此同時，亦令奶仔想起過往毅行者的經歷，讓他想起Steven張致恆：「我們有組織行山隊，成員有過往與我參加過毅行者嘅藝人朋友陳安立以及張致恒。（Steven都會同你地繼續行嗎？即使唔行毅行，會唔會都約佢去行山？）會㗎，不過佢應該比較忙。我都想同佢一齊行山，佢帶埋小朋友一起行都可以呀。」
【其他文章】：
「億萬駙馬」伍富橋被老婆調教到化境 多謝網民鬧佢畀Like食軟飯惡評
「億萬駙馬」伍富橋新婚一周年出招冧老婆 送新歌放閃：可能係我最鍾意嘅single cover！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
