將軍澳調景嶺健明邨附近的山上，早上不時吼聲震天。有街坊錄下「嗚嗚」山音，上載至地區facebook查問：「健明邨後面座茅湖山上經常朝早有怪人大叫，有無聽過？」。
將軍澳健明邨山上怪聲連連嚇壞街坊逐張睇↓↓↓↓＋ 網民淡定回應↓↓↓↓
網民淡定：獅吼功
由於位於樂富對上的獅子山公園，日前早上也驚傳有一對男女呼救，出動消防搜索後證實為練氣功叫聲。受此事啟發，回應的網民於是淡定地指，茅湖山上的怪聲也可能是「練氣功」、「練功啫」、「獅吼功」、「每朝上山練音波功」，並提到跟「獅子山一樣，假日仲幾個人一齊叫」。
將軍澳健明邨山上怪聲連連嚇壞街坊逐張睇↓↓↓↓＋ 網民淡定回應↓↓↓↓
網民：喉嚨痕學雞啼
對於山上有人聲如洪鐘，街坊倒也聽怪不怪，指「每日都有」、「日日都好嘈」、「朝頭早係咁嗌，叫人起身返工……」、「叫咗好多年」，「天光佢喉嚨痕學雞啼......冇嘢嘅，其實佢近排轉咗Tone（語氣），以前係woo......WOO......woo......WOO，搞到我都想學佢係屋企嗌，但怕比人小Ｘ我，所以吞番落肚就算」。
將軍澳健明邨山上怪聲連連嚇壞街坊逐張睇↓↓↓↓＋ 網民淡定回應↓↓↓↓
有人則抱怨「我平日要6點起身，難得有一日可以瞓到自然醒～佢就6點上下喺度大叫，真係想揼佢」。於是有人建議「試下每日都行早山，睇下撞唔撞到佢」、「你大聲嗌返佢呀嘛，喂你喺邊呀！喂你喺邊呀！」。
網民：日日都被困求救
另有好心的網民擔心重演「狼來了」故事，建議「報警呀，可能發生命案，救人一命勝造七級浮屠」，有人笑指「日日都被困求救」。
有養生派的網民則提出從生理和心理角度去看，指可能是「香港人好大壓力，佢可能要釋放下」、「紓緩壓力中」；另有人指是「屙屎唔出」，樓主回應笑稱該是「便秘咗好多年了」。
將軍澳健明邨山上怪聲連連嚇壞街坊逐張睇↓↓↓↓＋ 網民淡定回應↓↓↓↓
相關新聞：
獅子山公園驚傳一男一女呼救 消防搜索證實為練氣功叫聲
本月17日上午6時20分，警方接報，有晨運客在獅子山公園聽到一男一女的呼救聲，恐有事發生，於是派出多輛消防車及救護車到場，除了警員在山徑沿途搜索，獅子山山頭上亦見有飛行服務隊的搜救飛機掠過。人員經查證後相信呼救聲實為有人練氣功發出的叫喊聲，遂收隊離開，結束一場虛驚，初步相信是惡作劇，案件列為「雜項案件」。
馬鞍山山友朝朝準時大叫 網民頂唔順求放過
進駐將軍澳叢林 大叔日以繼夜玩啤牌打麻雀 街坊無奈：已經好耐了
馬鞍山公屋後山竟有「神秘賭場」 免費飯盒生果招呼 有長者一晚輸10萬
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
