藝人鏡頭以外的生活一向是大家的焦點，不時有人在網上開PO大爆捕獲藝人們私下不為知的一面，結果成為熱話。近日在森美、阮小儀和梁嘉琪主持的商台節目《早霸王》上，有自稱前TVB外判司機大爆有一線小生表面出手「闊綽」，經常高呼「萬歲」請客，但實質樣樣「計到盡」，實在欠缺大將之風！
【相關閱讀】：鍾嘉欣加拿大機場被捕獲！領行李不慎撞到人 一句話惹網民討論人品
【點擊睇森美主持《早霸王》】：
日前《早霸王》新增了新環節「What the工」，接獲一個自稱曾做TVB外判司機，負責駕駛外景車的聽眾黃先生來電，透露有一位一線小生未紅時已經有「氣焰」：「有次出外景拍飲食節目，要喺馬路中心落車，其他人落晒車，但佢仲坐喺中間繞埋手，擘大對腳坐喺度，咁我咪開車，佢突然好大聲鬧：『你做乜嘢呀？我都未落車！』我心諗，一線都冇你咁樣啦！」其後黃先生再爆一線小生的孤寒行為：「有次出外景，大家去餐廳食飯，公司已經有30蚊飯錢做準貼，一線小生喺現場大大聲話『今日我包底』。咁我哋咪食，點知事後佢同劇務講：『呢6個唔係直屬TVB員工，點解要請呀？』」黃先生續說：「咁我同劇務講，唔緊要，我畀夠20蚊一個，6個人即係120蚊，多咗我請佢飲茶嘅，唔好咁小器！」森美和梁嘉琪都忍唔住批評，森美更點名指一線小生中，大讚陳豪出名好人，梁嘉琪亦讚馬國明友善，二人一定不是嫌疑犯。
一線小生包底2蚊請車長飲嘢
接着又有另一名外判司機「阿M」的來電，表示自己曾遇過同類事件，但相信兩個一線小生並不是同一個人，他說：「有次我出crew拍一個節目，中間時間大家食飯，嗰個藝人心情靚，話下晝食飯佢萬歲，咁大家好開心啦，車長都一齊食飯，點知佢話：『飲嘢我嘅，車長！』嘥氣啦，凍飲加2蚊，我哋自己畀啦！本身個餐包嘢飲㗎嘛！」森美和梁嘉琪忍不住爆笑，森美更說：「呢啲一線好嘢喎！精打細算！」
【其他文章】：
李嘉欣攜攝影團隊飛上海打卡放閃 被網民捕獲揭身形「縮水」引關注
星級YouTuber夫婦美食廣場拍片老公一舉動惹不滿 網民揪出嫌疑夫婦：拍片大晒？
陳凱琳鄭嘉穎被批唔識教仔！ 3歲大仔一舉動遭網民鬧爆勁冇禮貌欠尊重
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
