TVB台慶劇《新聞女王》贏盡口碑，飾演心機女主播「徐曉薇」的何依婷順利入圍，跟高海寧及江美儀等爭女配角獎。對於演技被插，將出嫁的何依婷獲準老公提醒，唔好為少部份負評，忽略支持自己嘅人，而她更甜蜜自爆速嫁原因，因為準老公人品極好：「呢啲用錢買唔到，唔想錯過。」採訪：方騫平 攝影：錢文坤 服裝：Aleshia 場地：荷里活廣場莆田
何依婷獲另一半支持婚後可繼續演戲。
何依婷同準老公好夾。
何依婷同準老公思想相近。
準夫婿支持她工作，唔想成為他附屬品。
何依婷講起準老公都開心。
在新劇中，何依婷飾演患有抑鬱症的反骨妹「徐曉薇」，靠不擇手段上位，觀眾對她演技有彈有讚，有評她不夠奸；也有讚她聲淚俱下嘅一分鐘獨腳戲，演活抑鬱病人的痛苦。何依婷明白角色有苦衷，所以唔多討好，幸有另一半安慰：「佢覺得負評好小事，反問我『你睇唔睇到好多人留言讚你？真係為咗幾個評價唔開心咩？人哋講乜影響到你咩？』」心都甜晒的她慶幸有另一半及朋友的支持，最開心收到鼓勵電郵，「我真係收到300個電郵，當中有抑鬱症病人留言認同，話理解『徐曉薇』嘅痛苦及心情，要同『徐曉薇』講句多謝。」
何依婷聲淚俱下嘅一分鐘獨腳戲，演活抑鬱症病人的痛苦。
何依婷飾演患有抑鬱症的反骨妹「徐曉薇」。
何依婷為上位不擇手段。
何依婷演活抑鬱病人的痛苦。
觀眾對何依婷演技有彈有讚。
何依婷角色情緒起伏好大。
因抑鬱常嘔吐。
何依婷獲抑鬱症病人留言認同，完全意料之外。
準老公唔介意她演咀戲
問到跟準老公林生的相識經過，29歲的何依婷透露是大學同學，對方大她一歲是物流公司老闆：「拍拖前一直保持聯絡，但我比較內向，堅持大家性格唔多夾，至疫情下冇得出外交往多咗，原來可以互補性格上不足，𠵱家佢令我變得有動力。」依婷對準老公讚不絕口：「佢好謙卑又大方，做事有承擔及夠理性，對每個人都好好，我做乜都會支持我，就算內心係介意我同馬國明拍咀戲，但都提我要珍惜好劇本推我去演。最重要佢情緒穩定，有個情緒穩定及好嘅另一半會令我成長，呢啲係錢買唔到嘅，我冇深究係咪豪嫁，最緊要大家相處得好舒服。」
何依婷及林生於巴黎鐵塔下影婚紗相。
何依婷已飛往峇里準備婚禮，姊妹團隨後會合。
何依婷跟準老公林生已飛往峇里準備婚禮。
酒店送上祝賀蛋糕。
林生好大方，唔介意另一半演咀戲。
何依婷及胡鴻鈞受TVB力捧，演過新版《十月初五的月光》。
何依婷是2017年港姐亞軍。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
