近年一直表示看淡香港樓價的資深投資者呂宇健（Ken Sir），早前曾預言未來樓價將跌四成，而上月他則以1,820萬元沽出九龍站擎天半島一個兩房單位，持貨3年，連使費料實蝕逾百萬。呂宇健其後於社交平台發文，今次成交計及租金僅輸手續費，不過引來網民留言問，「三年前入市認唔認誤判」。
即睇呂宇健帖文內容
呂宇健於社交平台發文指，今次成交計及租金僅輸手續費 ，「呢個單位係我三年前買入，當時銀行估價2,400萬元，我以1,880萬元成交，低水足足520萬元，三年後今日銀行估價已經由高位跌咗20幾%，而我今日沽出嘅成交價，已經比銀行估價高水一成，帳面仍比我三年前嘅成交價低水60萬元。」
帖文指出，過去三年單位收租已遠高於60萬元，「基本上可以全身而退（可能輸咗些少手續費），呢個係物業投資者應有嘅態度，明明100元嘅嘢，用70幾元買入，好市時就110元賣出，市差就70幾元賣出，保護本金係非常重要。」
他表示，「如果當年用銀行估價2,400萬元成交，今日市價1,800萬元沽出，咁就輸咗600萬元；而我900萬元上會，依家只係輸咗60萬元，講緊係幾% VS五成身家。」
不過引來網民留言問，「其實你選擇2020年入市，你是否承認對樓市有誤判？」、「阿Sir都會高追」。
呂宇健今次沽出的單位位於擎天半島5座極高層A室，面積632方呎，兩房一套，上月底以1,820萬元成交，呎價約28,797元。有區內代理表示，參考近日成交，單位成交價較市價低約一成。
資料顯示，呂宇健於2020年初向戴德梁行大中華區副總裁及大中華區策略發展顧問部主管陶汝鴻以1,880萬元買入，陶汝鴻持貨10年勁賺805萬元，但呂宇健今次沽貨，帳面則蝕約60萬元，連使費料實蝕約170萬元。
呂宇健為香港中小型業主會創辦人，過去在業主會舉辦講座，表示可以教授無樓人士、中產零首期買樓等，但過去兩年一直看淡本港樓價，早前曾表示「至於樓市，唔使講，一定跌，剛剛於高位回落兩成，仲有三成要跌，即係現價仲要跌多四成」。
擎天半島近月錄不少名人買賣，其中行政會議前成員林奮強就以2,158萬元售出2座高層G室，面積915方呎，3房1套連工作間，呎價約23,585元，較高位大跌兩成，但較19年前一手買入價668萬元大賺1490萬元。
---
【上車驗樓，星島搵專家幫你手！如果你有新盤驗樓、裝修分享，請即Email：[email protected] 】
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
