鄭嘉穎今日（14日）出席支持網球公開賽活動，鄭嘉穎表示好開心跟前香港網球代表王康傑砌磋球技，並謂三位兒子年紀尚小，未懂得欣賞打網球，大仔未夠五歲，有待長大一點才讓他學打網球，希望好似王康傑一樣為港爭光。問到兒子可有運動天份？鄭嘉穎說：「未知！希望有，覺得小朋友應該要全方位發展。」
【相關閱讀】：陳凱琳親回鄭嘉穎疑被表弟暗寸雙面人 認與王賢誌少聯繫力撐老公做自己
【點擊睇鄭嘉穎出席活動相】：
對於跟馬國明傳不和，更鬧出浪費時間風波。鄭嘉穎坦言估不到回應馬國明的婚禮，豈料出來有不同版本，需要跟對方講聲不好意思，因為在馬國明最忙又最多事情要處理時候，要幫小弟澄清及解畫，給予很多麻煩。他說：「我唔想麻煩人，搞到咁大件事，我都有返條片，我意思話依家要陪三個小朋友，時間好緊，要識得分配，如果出埠有啲難度。」問到是否態度問題引起誤會，他直言一向有這種問題，但改善中，由出道至今差不多，更有朋友指他這樣的性格在行內生存三十年已經是奇蹟，亦會改善。
鄭嘉穎稱會改善性格
問到跟馬國明是否不和？他說：「我哋之前兩兄弟已經拆掂咗！馬國好體諒我，佢知道返嚟，我會同佢食飯同送禮物畀佢。以前搞掂咗，當日受訪唔想講咁多，所以講得唔清楚就話我哋不和同打交。」提到太太陳凱琳在社交網分享旅行相，被指火上加油。鄭嘉穎說：「呢個我最唔好意思嘅！堅持性格一件事，唔想涉及其他人，增添別人麻煩，我講嘢太簡短，唔夠長盡唔解釋，令阿佘（佘詩曼）、太太、馬國明增添麻煩，我會改善啦！自我還自我，唔想影響其他人。」鄭嘉穎又指不和事件涉及阿佘，是笑料一則，這件是多年前不是事實的事，也覺得對阿佘不好意思涉及其中，可能自己表達方式有問題。
鄭嘉穎避談親戚王賢誌
對於表弟王賢誌在社交網表示有人是「雙面人」，日久見人心，暗指是鄭嘉穎。鄭嘉穎坦言親戚同家人的事不講，若然自己好叻是「雙面人」，就毋需解畫，也想圓滑一點，但不能夠圓滑。談到可有聯絡王賢誌？他說：「識咗佢一世，咁都唔明唔使解釋。」
【相關閱讀】：
陳凱琳護夫談不和風波！鄭嘉穎未因是非不快 揭與馬國明私下關係：補請食飯
鄭嘉穎表弟王賢誌突暗寸某人「雙面人」！ 言論再惹揣測：日久見人心
陳凱琳護夫談不和風波！鄭嘉穎未因是非不快 揭與馬國明私下關係：補請食飯
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
