九巴53號線共有74個車站，往來元朗形點和荃灣如心廣場，全長逾30公里，車程約2小時，來回一轉便是約4小時。不少網民看中其車程長而成為遊巴士河「熱線」，甚至製作facebook專頁，相當受歡迎。
樓主早前興之所致，在facebook專頁「顯影屯門。青山散步」上載密密麻麻的路線圖，好奇問網民「有冇人挑（戰）過全程？」，獲回應指沿途「青山綠水，沒有任何噪音，架車慢慢而行，突然覺得好像在平行時空裏......」，有人更大讚車程「可以洗滌心靈」。
53號線車費11.8元，來回路線詳見下圖↓↓↓↓
九巴53號線逐張睇↓↓↓↓＋ 網民熱烈挑戰全程回應↓↓↓↓
網民提醒全程無「尿」位
對於樓主的提問，不少網民識貨地指「我搭過一次出荃灣」、「我坐過全程，仲要係坐來回一轉」、「搭過全程，唔趕時間都OK的」，並指「全程115分鐘，未計塞車」、形容「74個站，收11個8」相當「抵搭」、「（長者）俾兩蚊就可能坐足兩個鐘」，但提醒「乘客請留意，全程無『尿』位」、「坐過～好舒服，不過坐前請去廁所」。
九巴53號線逐張睇↓↓↓↓＋ 網民熱烈挑戰全程回應↓↓↓↓
網民：睇海景好正 洗滌心靈之旅
由於沿途景緻怡人，乘客口碑載道，指「真正遊巴士河」、「遊車河」、「睛天坐53號睇海景正」、「晴天睇海景好正」、「53行青山公路望住個海景好正」、「都搭過幾次， 散吓心睇吓風景唔錯嘅」、「遊車河試過好幾次來回」、「好幾次行過，都真心覺得呢條巴士線真係抵到爛 （利申：仍然擇緊日去搭）」。
有網民更將層次提升至「可以洗滌心靈」，指「沿途風景怡人，那日天氣很好，近距離望到海，青山綠水，沒有任何噪音，架車慢慢而行，突然覺得好像在平行時空裏，跟城市的生活完全兩種感覺」。
九巴53號線逐張睇↓↓↓↓＋ 網民熱烈挑戰全程回應↓↓↓↓
網民：拍拖一流
這趟長途巴士河也勾起不少人的美好回憶↓↓↓↓
•「小時候讀小學，會和同學仔一齊搭，仲要坐樓上車頭位」、
•「熱狗時代我都會咁搭」、
•「搭巴士遊車河，又多彎，啲風吹到頭都亂晒，喺車度吱吱渣渣傾計，好簡單但好開心」、
•「20幾年前同前度男友挑過，真係荃灣總站坐到去元朗總站，拍拖時都會唔覺得車程耐！」、
•「拍拖一流啦，如果另一半都係喜歡遊山玩水嘅話」、
•「由荃灣搭到元朗，一落車又排隊等下一班出返荃灣，直踩4個鐘」。
九巴53號線逐張睇↓↓↓↓＋ 網民熱烈挑戰全程回應↓↓↓↓
不過可能由於車程太長，也有心急的網民坦言「試過挑戰，搭到懷疑人生」；另有人稱讚駕駛長途車的「司機先勁」；還有人跳皮地指「曾經有人在屯門問有甚麼車去荃灣西地鐵，我馬上回答53」。
遊巴士河相關新聞：
車窗外元朗雞公嶺美景震撼眼球 網民教路：搭ＸＸＸＸ巴士會經過
玩Buscation「偽英倫」打卡一日遊 要搭邊架巴士......
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
