2024賀歲警匪片《臨時劫案》一眾演員郭富城、任賢齊（小齊）、林家棟、孫佳君、林雪等人現身一間中學出席記者會，與一眾粉絲及長者玩遊戲，並大派利提早跟大家拜年。戲中飾演的士司機的林家棟，駕駛的士載住飾演悍匪郭富城、任賢齊及打扮成財神爺的符家浚到場，十分搞笑。
相關閱讀：郭富城除夕陪家人鬧市出巡後撇下妻女有下場？一個原因力證為好男人
郭富城任賢齊林家棟提早同長者拜年：
戲中飾演摔交手兼悍匪的郭富城，對於造型要配戴假哨牙，郭富城坦言做演員要豁出去嘗試，林家棟聞言笑謂：「做靚仔做得太耐！」郭富城續說戴假哨牙講對白會噴口水，林家棟即笑郭富城似足異形，任賢齊笑言跟林家棟最辛苦，因為跟郭富城演對手戲時，口水噴晒落他們面上。談到戲中三人有場大談「男人之苦」戲份，郭富城坦言現實中有不同階段，自從當上爸爸會遷就囡囡，有時不明白小朋友發脾氣又不聽話，氹囡囡開心又嬲，令到自己不知所措，但認為要接受亦覺得是一個磨練。
郭富城為保靚仔形象要保持身形
談到長得靚仔可覺是「男人之苦」，郭富城直言要保持身形，狀態好時被讚也覺開心。任賢齊則透露角色心太軟，任何事情揹上身，但現實中的他，自認好硬。談到那一方面好硬？任賢齊說：「男人應該硬嘅地方好硬，肝就唔好太硬。」談到任賢齊在內地開巡唱，將100萬分給工作人員作鼓勵？任賢齊笑說：「我平時刻薄佢哋，呢個係一個補償，因為大家做得辛苦，畀佢哋好好吃餐飯。」至於近期舉行巡唱的郭富城表示有意效法任賢齊，不過以往也會玩抽獎，分別有現金、電話、酒，更笑謂暫時未有車做抽獎禮物。
孫佳君想被任賢齊劫財又劫色
戲中飾演的士司機的孫佳君，透露有日收工被任賢齊打劫，並笑謂被人劫財不知幾想被劫色，最好打包埋返屋企，孫佳君還說：「戲中我係的士司機，其實有幾部車係有錢人。」孫佳君更透露有朋友開的士行，所以向對方取經，原來女的士司機會帶腰包、紮頭髮又著風褸，所以造型好真實，更大讚好欣賞該片劇本，當中有黑色幽默、諷刺、人性等元素，加上很久沒有參演賀歲片，感覺是童年回憶，農曆年亦會跟朋友入場觀看所有賀歲片支持。
其他文章：
郭富城化身「寵女狂魔」被囡囡瘋狂樹熊抱 6歲大女見慣世面盡顯巨星風範
任賢齊派100萬慰勞員工封「絕世好老闆」 為巡唱今年繼續飛人生活
獨家丨林家棟承認愛做幕後滿腦大計 入行35年仍享受拍戲被導演「虐待」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
