柳俊江昨日（5日）在大埔住所內燒炭輕生，終年42歲。柳俊江逝世消息傳出後，震驚娛樂圈。曾與柳爺合作的黃夏蕙今日（6日）凌晨發文悼念柳俊江，更提及2018年時與柳俊江同場拍攝外景的一段回憶。
柳俊江生前照片：
黃夏蕙發文表示，她與柳俊江曾在2018年一同在內地拍攝電影《我的分享男友》，黃夏蕙形容當時天氣極寒冷，只有2至3度。她說：「當時我搶哂經理人肥豬嘅暖包貼喺身上，搞到肥豬凍到兩行鼻水不斷流，當時江仔都係（喺）外景現場拍攝，佢仲問我：夏蕙BB，你夠唔夠暖啊？需唔需要我比件衫你着？」
黃夏蕙讚柳俊江是「溫暖男神」，她續說：「記得當時候，我仲笑佢，點解你咁高嘅？」黃夏蕙指：「人總要向前望，喺呢一刻，我只係記得我同你共事嗰陣嘅歡笑，願你一路好走，走到一個令你開心嘅世界。」
同時，黃夏蕙亦在帖文中分享當時兩人拍攝的照片，更以「柳俊江小朋友」稱呼柳俊江並說「永遠懷念你」。
黃夏蕙發文悼念柳俊江全文：
事隔幾年，在眼前這個你 - 江仔........
仲記得2018年一月份，當時嘅天氣應該只有2-3度，Aka撮合左我同江仔，喺國內拍咗一部電影叫「我的分享男友」，當時我搶哂經理人肥豬嘅暖包貼喺身上，搞到肥豬凍到兩行鼻水不斷流，當時江仔都係外景現場拍攝，佢仲問我：「夏蕙BB，你夠唔夠暖啊？需唔需要我比件衫你着。」溫暖男神稱號，當之無愧！記得當時候，我仲笑佢，點解你咁高嘅？今日收到你嘅死訊，人總要向前望，喺呢一刻，我只係記得我同你共事嗰陣嘅歡笑，願你一路好走，走到一個令你開心嘅世界。貼上當日未公開嘅照片，送俾你同鍾意你嘅朋友，一齊欣賞吓當日我哋嘅歡笑同點滴。
永遠懷念你 - 柳俊江小朋友。
其他文章：
柳俊江逝世丨去年疑與女友分手 搬離愛巢結束三年情 一度愛得高調常晒愛
防止自殺求助熱線：
「情緒通」熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線（多種語言）： 2896 0000
東華三院芷若園： 18281
醫管局精神健康專線： 2466 7350
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
