梅迪歷（左）的傳球質素，仍有改善空間。Reuters
上篇提及過梅迪歷嘅Decision Making，而今篇談及佢嘅傳球質素及控制皮球嘅能力。
先談佢嘅傳球質素，我哋往往見佢傳個波出嚟都係好大力，唔到位嘅情況，令到經常俾人斷到正一正，然後輸反擊。上季有好多情況都係一交就失，今季係有改善但都唔足夠，比較紐卡素哥頓每90分鐘嘅短傳成功率，梅迪歷只有6成半，但哥頓差不多有8成，可以見到梅迪歷傳球意識仲係麻麻地。
尤其係傳中嘅成功率真係唔準，梅迪歷喺英超64個傳中波，只有20%係可以傳畀隊友，睇得出佢出波嘅落點係非常差，可以留意下佢出波前係冇望過中間，經常都係憑感覺。依樣嘢亦都係控制皮球能力嘅問題，好多時都係好大力，一嘢大步推落底線，令佢調整唔到。
𠵱樣嘢其實係一整套動作，先攞波，決定去邊，推落底同傳中可以見到未見成熟，仲有好大進步空間，8,900萬鎊身價未來成長空間都仲係有，未來值唔值仲係未知，但我估仲有上升空間嘅。
亦由此可見，車仔𠵱家買嘅球員都係賭博成分居多，究竟賭唔賭得贏，要睇未來兩三年嘅發展，但將一隊車路士成功嘅球隊降到白禮頓發展型的球隊係正確嗎？Willhappy
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
