主持《中年好聲音》吸納唔少觀眾的車婉婉，於本周六(13日) 舉行《Next Step Stephanie 2024車婉婉音樂會》，亦是她入行31年的個人處女騷，屆時一班《中年》參加者會出任表演嘉賓。曾被向展鵬於社交網鬧爆的車婉婉歡迎對方參與，坦言可能唔夠「愛」他，有機會的話會當面追問他：「做乜唔開心？」採訪：方騫平 攝影：鄧國良
車婉婉自嘲天生樣衰易令人誤會。
車婉婉自評個樣冇笑容會被誤會好寸。
坦言做人直腸直肚。
車婉婉性格樂觀。
為個唱努力健身。
綵排得如火如荼。
跟車婉婉同期的歌手陳奕迅、鄭秀文、許志安及黎瑞恩等個個都開過個唱，婉婉表示從不羨慕，因為知道自己乜料，之前未去到開騷地步，加上曾經失聲。婉婉指自己的人生好奇妙，就算失去最有信心嘅聲線，卻拍到電影、電視劇，甚至爛聲做電台節目。
昔日，穿大露背裝嘅車婉婉和許志安出席叱咤頒獎禮。
同蘇康及張栢芝好老友。
跟孫耀威曾係戰友。
同陳奕迅及趙學而係老友。
婉婉拍過《皆大歡喜》。
入行31年冇敵人
提到向展鵬曾在社交平台鬧爆「某女歌手」九唔搭八，相識30年不值一提，更斥：「個人好扮嘢仲寸我！」婉婉被對方衝著而來摸不著頭腦，勁無奈：「我個人好直，而且唔笑睇落好寸，可能我講嘢太大聲，又生得樣衰，對唔住，佢覺得唔夠愛及關注所以產生咗誤會，而且我點會去寸人？《中年》係我嘅家庭，唔會對佢唔好。」車婉婉坦言歡迎向展鵬到場：「成班《中年》同學嚟支持，我唔會叫佢唔嚟，將來碰頭會直接問清楚佢『咩事唔開心？有冇啲嘢我會做好啲？』人生匆匆幾十年，為乜要唔開心呢？」婉婉強調自己冇死敵，包括傳不和的黎瑞恩。
婉婉願主動跟向展鵬和解。
車婉婉演唱會海報。
向展鵬Blur咗婉婉個唱海報，出po鬧爆對方。
婉婉被向展鵬衝著而來摸不著頭腦，勁無奈。
車婉婉視《中年》係自己嘅家庭。
車婉婉和黎瑞恩近年甚少交往，也傳過兩人不和。
另外，50歲的她又揭身世之謎，重申才叔叔(張英才)絕對不是生父：「傳咗幾十年，講極啲人都唔信，老竇就係老竇；叔叔就係叔叔，使唔使驗DNA？其實媽咪朋友係知情嘅，但連長輩都唔出聲講，邊輪到我發聲呀？而且我尊重兩位先人。」
婉婉50歲生日獲老友古天樂賀壽。
50歲生日喇。
婉婉清楚自己身世之謎。
車婉婉再澄清張英才不是生父。
才叔叔最後一次公開露面。
車婉婉和媽媽及細佬多年前合照。
兒子BBQ不是婉婉粉絲。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
