觀塘昨日（9日）發生嚴重車禍，一名懷孕4個月姓陳孕婦遭貨車撞倒，頭部重創昏迷送往廣華醫院搶救，至今情況仍然危殆，而腹中孩子則保不住。事發後丈夫邱先生徹夜未眠，一直在醫院留守，被問到太太現時情況，他聲淚俱下表示太太情況不樂觀，現時需注射高劑量的強心針維持心跳，現希望太太只能大步檻過，有奇蹟出現，「佢係一個好女仔，好堅強，而家只可以靠佢意志，我哋乜都做唔到， 淨係可以幫佢祈禱，等佢大步檻過，同埋希望BB可以幫下媽咪，救返媽咪」。
陳婦的丈夫邱先生下午回家更衣後，再於傍晚返回廣華醫院探望太太。他引述醫生表示，現時太太情況不樂觀，血壓及心跳仍然不穩定，需注射高劑量的強心針維持心跳，「個醫生話從來未試過用咁強劑量嘅強心針，已經用到好盡，用到咁先至維持到合格水平，如果藥效過咗就會跌返落嚟」。他指太太腦壓仍然很高，根本不能做開腦手術，之前進行的小手術幫助不大，現時只能靠太太的意志支撐過去，「希望可以堅強，我哋乜都做唔到，淨係可以幫佢祈禱，等佢大步欖過，佢係一個好好女仔好堅強㗎，我有喺病床隔離同佢講，叫佢加油，話香港好多人都同你打緊氣，叫佢快啲醒」。
談到太太現時情況，邱先生情緒激動，不斷無助擦淚，又指昨晚有兩名婦產科醫生向他表示，太太肚內的嬰兒已沒有心跳，現時只能全在拯救媽媽，「希望個BB幫下阿媽，救返阿媽……會唔會有其他更好方法幫到佢，任何一個方法都可以，希望大家幫幫手救返佢」。
相關新聞：懷胎4月孕婦捱撞仍危殆 胎中嬰兒不保 親友：BB無咗心跳
相關新聞：懷胎4月孕婦上班遭車撞命危 丈夫病房外憂心痛哭：佢係好堅強嘅人
相關新聞：觀塘貨車猛撞女途人吐血昏迷 傷者懷胎4個月生死未卜
邱先生表示，今日下午接獲警察交通部的來電，對方指涉事貨車沒有安裝車cam，但附近便利店則有閉路電視拍到事發經過，清楚見到太太在便利店買完麵包後離開，之後沿行人路而行，至案發地點的行人過路處時，非常謹慎地四望四周，「我老婆第一眼，望咗左邊見到無車先至行，行左4、5步先至有部大貨車好快咁撞過來，完全係避唔到」。邱先生不斷啜泣，堅稱太太並無亂過馬路，「條片影到佢係無亂過馬路，佢好小心，佢知道有個女喺肚入面，所以做乜都好小心，佢唔會咁大意唔會咁唔小心㗎」。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY日
