一名原本月入3萬多元的前公務員本著「出去闖下」的想法移居加拿大，近日在「連登討論區」以「嚟咗加拿大一年，感覺好無希望」為題發文呻爆，呻至楓葉都落，指住阿叔屋、揸阿叔車的彼邦生活不似預期，遭網民冷嘲為「裙腳仔」，建議「咁委屈就唔好勉強」、「回家吧，咁辛苦何必呢」。
有同路人感性地發長文回應，指在當地唔易生存，情感上好想回港，卻因為一原因而堅持留下......
前公務員移居加拿大後呻爆逐張睇↓↓↓↓
樓主呻爆加國生活，呻至楓葉都落。
樓主：本身係香港做公務員，人工都有3萬幾，同老竇老母住成棟三層村屋，仲有車揸。
樓主：唔知做乜屎忽痕走去加拿大闖下，住喺我阿叔放租啲condo（公寓）仔。
樓主：話就話唔收我租但水電上網要我自己交xx（最好笑係自己換新車畀架5、6年前嘅舊車我揸），然後同我老竇講照顧得我好好。
樓主：搵工唔使講，我喺香港做幾年公務員嚟到夠膽死唔計我經驗，全部當我普通大學生咁開entry position（初級職位）畀我。
樓主：做埋啲濕Ｘ嘢，已經無諗咩晉升空間career path（職業路徑）。
樓主帖文。「連登討論區」截圖
網民斥裙腳 身在福中不知福
樓主在加國有叔父照應下仍滿口怨言，感到生活與工作不遂順，情況惹來網民關注，並轉載至其他facebook群組。回應的網民似乎都看不過眼，直斥為「裙腳仔」心態，雖然「寄人籬下」但「身在福中不知福」，同時替照顧樓主的阿叔不值↓↓↓↓
網民：阿叔仁至義盡，照顧個不知好歹的巨嬰。
網民：有免費屋住，仲有免費車揸，我都想有個咁嘅阿叔照顧我。
網民：阿叔老馮養你？唔收租畀埋車你揸都仲嫌三嫌四，呢啲ＸＸ唔死都無用。
網民：阿叔都算係咁啦，睇你老竇份上唔收你租，畀埋架車你揸仲想點啊？呢啲人去到邊度都係咁㗎啦唔心足。
網民：租唔使交、車唔使買、淨係夾返水電煤。請問咩叫闖下？
網民：呢啲唔識感恩嘅廢青，你親戚畀地方你住唔收租，只係要你交水電上網費咁都投訴？
網民：阿叔真無辜！
網民：唔使錢，畀架車你用，仲覺得人哋衰……有骨氣就自己走，唔好住親戚度！
網民：如果我係佢阿叔立即收回間屋和架車，欠你㗎？！
網民：畀我係佢阿叔一腳踢佢出街。
網民：唔收你租，畀車你揸仲想點，使唔使畀埋副身家你。「連登討論區」截圖
網民：又話闖下，闖下就咩都靠自己啦，又住呀叔地方又用呀叔車。「連登討論區」截圖
網民直斥為「裙腳仔」。「連登討論區」截圖
前公務員移居加拿大後呻爆 網民冷嘲回應↓↓↓↓
網民於是力勸樓主「咁委屈就唔好勉強了」、「回家吧，咁辛苦何必呢」。另有網民從金錢與工作經驗去分析，指↓↓↓↓
網民：咁都捱唔到就返香港好過啦。「連登討論區」截圖
網民：不如你問下自己有咩skillset（技能）係個市場需要㗎？「連登討論區」截圖
網民：咁你想點？唔like（喜歡）可以返香港，去到咪由0開始囉。「連登討論區」截圖
網民：回家吧，咁辛苦何必呢。「連登討論區」截圖
樓主帖文。「連登討論區」截圖
同道人感性回應：多倫多唔易生存
說著，有同道人作出感性回應，坦言情感上好想回港，但理性上想堅持拿到當地的永久居民資格。呻完一輪「多倫多唔易生存」，還是以順其自然作自勉↓↓↓↓
同路人：2023年，情感上好想離開加拿大返香港。
同路人：搵工嘅時候好辛苦，但望返轉頭我好好運。
同路人：多倫多唔易生存，稅高、物價高、tips（小費）高，難搵工。
同路人：香港食飯有平有貴，一條廁紙唔會賣到一百蚊港紙。
同路人：知加拿大大部分唔好嘅嘢，最後尾都決定咗嚟。
同路人：多一個身份，多一個選擇。
同路人：機遇嘅嘢唔知係點，let it flow。
同路人有感而發。「連登討論區」截圖
回應樓主的網民言詞懇切，然而有網民卻發現樓主發這帖文時，懷疑也另發「讀咗HKU（香港大學）幾個月好大壓力」一帖，質疑「加拿大讀HKU都有咁多人應」、「又讀緊HKU，又去咗加拿大一年」、「樓主識影分身定精神分裂」，懷疑樓主是否在加拿大讀港大。
移民加拿大住阿叔屋揸阿叔車 月入3萬前公僕呻生活無希望
有網民發現樓主發這帖時，另發帖指「讀咗HKU（香港大學）幾個月好大壓力」。「連登討論區」截圖
網民懷疑樓主自述真確性。「連登討論區」截圖
有網民發現樓主發這帖時，另發帖指「讀咗HKU（香港大學）幾個月好大壓力」。「連登討論區」截圖
網民：樓主識影分身定精神分裂。「連登討論區」截圖
移民後生活相關新聞：
移英港人庭園急凍食物 外置雪櫃無限大 網民分享經驗：啤酒汽水室外冰鎮
移英港人庭園急凍食物 外置雪櫃無限大 網民分享經驗：啤酒汽水室外冰鎮
移英港媽花園曬臘腸：發夢都無諗過識整 網民好奇：陰濕天氣都曬到？
移英港媽花園曬臘腸：發夢都無諗過識整 網民好奇：陰濕天氣都曬到？
移英港人舊同事聚會 因一鍋煲仔飯 揭一校8老師移民校長都走埋......
移英港人舊同事聚會 因一鍋煲仔飯 揭一校8老師移民校長都走埋......
移民潮小結？ 網民盤點抵英後首份工最多人回應：XX
移民潮小結？ 網民盤點抵英後首份工最多人回應：XX
港星級髮型師爆移英辛酸 低薪剪髮被人用尺逐吋度 揭英女頭髮藏一大黑暗面
港星級髮型師爆移英辛酸 低薪剪髮被人用尺逐吋度 揭英女頭髮藏一大黑暗面
40歲港男徵大埔人做「移英伴侶」惹議 網民：另類徵婚告示
40歲港男徵大埔人做「移民伴侶」惹議 網民：另類徵婚告示
移英港人批3鎊「英國版兩餸飯」高脂高糖 劣食過兩餸飯
移英港人批3鎊「英國版兩餸飯」高脂高糖 劣食過兩餸飯
港媽移英2年半苦況大哭訴 難處逐樣數狂飆淚：「越了解呢到 越唔鍾意！」
港媽移英2年半苦況大哭訴 難處逐樣數狂飆淚：「越了解呢到 越唔鍾意！」
移英港童大爆港人英國校園被欺凌：「我每日返學帶𠝹刀自衛！」想生存只能靠...
移英港童大爆港人英國校園被欺凌：「我每日返學帶𠝹刀自衛！」想生存只能靠...
移英一年半花光父親給600萬 連登仔呻陷「無盡地獄」
移英一年半花光父親給600萬 連登仔呻陷「無盡地獄」
移英KOL當街被鬧「病毒」 自覺如二等公民
移英KOL當街被鬧「病毒」 自覺如二等公民
冬天天氣差異大食物選擇少 移英港人：要接受好多事非想像美好
冬天天氣差異大食物選擇少 移英港人：要接受好多事非想像美好
賣樓移英半年難適應新環境 港人欲回流陷兩難惹議
賣樓移英半年難適應新環境 港人欲回流陷兩難惹議
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
