星8卦｜「珠女」復出反應麻麻見盡人情世故 靠「魚佬」密密做養家
搞咗咁多場大龍鳳，「珠女」終於叫復出咗，但情況都唔樂觀。收埋自己咁耐，坐食一定山崩，所以其間要賣樓，但又賣唔出，好彩仲有個有情有義嘅男人陪喺身邊。可惜係「魚佬」都唔係好有錢，未能有情飲水飽，始終要靠自己做嘢養家。
第一時間梗係搵番當日好錫自己嘅「大家姐」，但呢個世界利字當頭，你掂嘅有着數醒人，人哋梗係對你提攜，畀多啲機會，但而家同人講心，「大家姐」出名勢利，梗係講吓就算，你認真就你輸。無事無幹嗰陣，好多品牌都對「珠女」客氣又照顧，但而家咁多新人出嚟，又點會對一個過氣嘅人太關注呢？
不過有啲好交情嘅，畢竟「珠女」掂嗰陣都幫過吓唔少妹妹仔，而家叫有話事權，有多嘅，都送啲畀「珠女」用，但就唔使佢做嘢，費事老闆知道之後，有唔高興情況，下次無得送。「珠女」自己知自己事，喺人情冷暖嘅娛樂圈，梗係唔敢埋怨，所以對仲肯睬自己嘅牌子，特別感激。「魚佬」人緣唔錯，已經出盡力幫「珠女」喺自己專業方面搵條出路，可惜唔係嗰類人，到目前為止反應麻麻，而家寄望「魚佬」搵多兩餐，生活充裕啲啦！
相關文章：
星8卦｜「才子」嫌棄「斯文」老土 偷嗒野性新歡 陷三角關係不自知
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
