40歲的傑志中場、前香港隊隊長黃洋在網上撰文，宣布退出香港代表隊，此後專心為球隊打氣。此外，安達臣已經決定不會補選球員，以現有人腳應付3場分組賽。
黃洋FB圖片
足總圖片
黃洋FB圖片
香港隊在周日晚上10時30分踢亞洲盃分組賽對阿聯酋，比賽前夕，黃洋在網上撰文，宣布退出港隊：「隨住亞洲盃首場分組賽到來，係時候同香港足球代表隊告別啦。多謝一路鼓勵我去埋卡塔爾嘅球迷朋友， 多謝你哋嘅溫暖同善良，堅守到呢一刻，對得起『大港腳』嘅重量。在此亦要多謝過去一年適時提醒我淡出港隊嘅人，多謝你哋嘅尖銳同真實，無論出於客觀或是主觀嘅表達，我都受益匪淺。」
「仲有十二年來共事過嘅港隊隊友、教練、可愛啲後勤兄弟姐妹，多謝你哋嘅照顧、信任同支持。無論香港足球高低起伏，只要每一位大港腳保持專業，渴求進步；每一場比賽踢出鬥志，球迷感到被尊重，香港足球就保有持續向上發展嘅希望。未來我會同大家一起，為香港隊嘅每一場比賽加油打氣。」
黃洋撰文告別港隊，身在卡塔爾、一起於2022年在印度贏得出線權的中場鞠盈智也有留言支持：「阿洋，為你感到遺憾，你值得並有能力獲得一個名額。」與此同時，安達臣已經決定不會補選球員，以現有26人名單應付今屆3場分組賽。
亞洲盃決賽周港隊C組賽程：
2024年1月14日(日) 阿聯酋 VS 香港 哈利法國際球場 (香港時間晚上10:30)
2024年1月20日(六) 香港 VS 伊朗 哈利法國際球場 (香港時間凌晨1:30)
2024年1月23日(二) 香港 VS 巴勒斯坦 阿卜杜拉·本·哈里發體育場 (香港時間晚上11:00)
_____________________________
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
